سعودی سفیر کافیصل مسجد کی تزین و آرائش کا وعدہ

پاکستان میں سعودی عرب کے سفیرنواف بن سعید المالکی نے تمام اخراجات اٹھاکرشاہ فیصل مسجد کی تزئین وآرائش کرنے کاوعدہ کیاہے۔

نگران وزیرداخلہ گوہراعجازکے ہمراہ فیصل مسجدکے دورے کے دواران انہوں نے کہا کہ فیصل مسجد کی عظیم الشان تزئین و آرائش ہو گی اور تمام اخراجات بھی ہم اٹھائیں گے ۔ 

اس موقع پر گفتگو کرتے ہوئے نگران  وزیرداخلہ گوہر اعجاز نے کہا کہ یہ مسجد سعودی عرب کی طرف سے پاکستان کے لئے خصوصی تحفہ ہے ۔ انہوں نے کہاکہ اس تحفے کاخصوصی خیال رکھاگیاہے تاہم وقت گزرنے کے ساتھ اس کی خوبصورتی کے لئے مزیدکام درکارہے۔

وفاقی وزیرنے مسجد کی تزئین وآرائش کے لئے اخراجات اٹھانے کی ذمہ داری لینے پر سعودی سفیرکاشکریہ اداکیا۔