وفاق سے خیرات نہیں اپنا حصہ لیں گے، علی امین گنڈا پور

وزیر اعلیٰ خیبر پختونخواہ کے لیے پی ٹی آئی کے نامزد رہنما علی گنڈا پور نے کہا ہے کہ وفاق سے خیرات نہیں اپنا حصہ لیں گے۔

پشاور ہائیکورٹ کے باہر راہداری ضمانت منظور ہونے کے بعد میڈیا نمائندوں سے بات چیت کرتے ہوئے انہوں نے کہا کہ صوبے میں سب سے پہلے امن و امان کو بہتر کریں گے۔ صوبے میں معاشی بحران ختم کرنے کےلئے وفاق سے خیرات نہیں اپنا حصہ مانگیں گے۔

پاکستان تحریک انصاف کے رہنما علی امین گنڈا پور کا کہنا تھا کہ پارٹی شمولیت کے لئے لیگل ٹیم بنی ہوئی ہے،معاملات دیکھ رہی ہے، حتمی فیصلہ بانی پاکستان تحریک انصاف عمران خان ہی کریں گے۔

علی امین گنڈا پور کا مزید کہنا تھا کہ صوبے میں معاشی بحران کو ختم کرنے سے متعلق ان کی پارٹی بہت جلد اقدامات کرے گی۔ صحت کارڑ بحال کریں گے اور لنگڑخانوں اور پتاہ گاہوں کو بھی چلائیں گے۔

نوجوانوں سے متعلق نامزد وزیراعلیٰ کا کہنا تھا کہ نوجوانوں کو روزگار اور کاروبار دیںگے، وفاق سے خیرات نہیں اپنا حصہ مانگ لیں گے۔

ساتھ ہی علی امین گنڈا پور کا کہنا تھا کہ ، ساڈا حق ایتھے رکھ’ یہی میرا نعرہ ہے۔