5 جون کو پاکستان ماحولیات کے عالمی دن کی میزبانی کرے گا : وزیراعظم

تفصیلات کے مطابق ہری پوری میں بلین ٹری منصوبے کی تقریب سے وزیراعظم عمران خان نے خطاب کرتے ہوئے کہا ملک میں  ٹین بلین ٹری منصوبے  کے تحت پہلے ایک ارب پودے لگانے کا ہدف مکمل ہو گیا ہے۔ پاکستان موسمیاتی تبدیلی سے نمٹنے کے لیے اقدامات کر رہا ہے، آئندہ نسلوں کیلئے بہتر پاکستان چھوڑنا چاہتے ہیں۔ انہوں نے کہا کہ بلین ٹری سونامی منصوبے کا آغاز خیبر پختونخوا سے کیا ، درخت لگانے سے موسمیاتی تبدیلی کے اثرات کم ہوں گے۔ لیکن پاکستان میں جنگلات کی کٹائی ہو رہی ہے جو تشویشناک بات ہے۔

 وزیر اعظم عمران خان نے ہری پور کے دورے کے موقع پر پودا بھی  لگایا ،  تقریب کے دوران وزیراعظم عمران خان کے معاون خصوصی برائے موسمیاتی تبدیلی ملک امین اسلم نے پروگرام کی کامیابیوں پر بریفنگ دی۔