پا کستان کے مختلف علاقوں میں زلزلہ

پاکستان کے مختلف علاقوں گلگت، غذر اور دیامر میں زلزلے کے شدید جھٹکے محسوس کیے گئے ہیں۔

میڈیا ذرائع کے  مطابق اسکردو، کھرمنگ، گھانچھے، ہنزہ میں بھی زلزلے کے شدید جھٹکے محسوس کیے گئے، لوگ کلمہ طیبہ کا ورد کرتے ہوئے گھروں سے باہر نکل آئے ، زلزلہ پیما کے مطابق زلزلے کی شدت 5.0 ریکارڈ کی گئی ہے۔

یاد رہے  کہ گزشتہ دنوں خیبرپختونخوا کے مختلف علاقوں سمیت اسلام آباد، راولپنڈی اور گردونواح میں بھی زلزلے کے جھٹکے محسوس کیے گئے تھے۔

زلزلے کا مرکز گلگت سے 45 کلو میٹر جنوب مشرق، گہرائی 25 کلو میٹر ریکارڈ کی گئی ہے۔

زلزلہ پیما کے مطا بق زلزلے کا مرکز ہندوکش ریجن افغانستان تھا۔