بشریٰ بی بی کے میڈیکل چیک اپ کےلئے عدالت سے رجوع

بانی چیئرمین پی ٹی آئی عمران خان کی بہن عظمیٰ خان نے بشریٰ بی بی کے میڈیکل چیک اپ کیلئے عدالت سے رجوع کرلیا۔

بانی چیئرمین پاکستان تحریک انصاف عمران خان کی بہن عظمیٰ خان نے سابق خاتون اول بشریٰ بی بی کے میڈیکل چیک اپ کیلئے اسلام آباد ہائی کورٹ میں درخواست دائر کر دی۔

درخواست میں استدعا کی گی کہ بشریٰ بی بی توشہ خانہ کیس میں سزا پانے کے بعد سے قید میں ہیں، خاندانی معالج ڈاکٹر عاصم یوسف کو بشریٰ بی بی کے میڈیکل چیک اپ کی اجازت دی جائے۔

 اسلام آباد ہائی کورٹ میں عظمیٰ خان کی جانب سے دائر کی گئی درخواست میں عدالت سے استدعا کی گئی ہے کہ پمز کے سینئر ڈاکٹرز کو بھی ڈاکٹر عاصم یوسف کی موجودگی میں بشریٰ بی بی کے میڈیکل چیک اپ کے احکامات دیئے جائیں۔