انتخابی عذاداری ،   یاسمین راشد کی درخواست پر نواز شریف کو نوٹس جاری

لاہور کے حلقہ این اے 130 میں انتخابی عذاداری کے متعلق پی ٹی آئی رہنما  یاسمین راشد کی درخواست پر سماعت ،الیکشن کمیشن نے نواز شریف کو طلبی کا نوٹس جاری کر دیا۔

سماعت کے دوران پی ٹی آئی رہنما یاسمین راشد کے وکیل نے کہا کہ رات کو ساڑھے دس بجے پولیس افسر آراو کے دفترمیں داخل ہوئے، اس وقت فارم 47 مرتب کیا جا رہا تھا۔ انہوں نے ہمارے پولنگ ایجنٹ کو باہر نکال دیا اور ریٹرننگ افسر کو رات کے وقت تبدیل کر دیا گیا۔

وکیل نے کہا کہ رزلٹ نئے آر او سے تیار کروایا گیا، 376 پولنگ اسٹیشنز میں سے 334 پولنگ اسٹیشنز کے فارم 45 کے مطابق یاسیمن راشد 20 ہزار ووٹ سے جیت رہی تھیں اور یہ اعلان تمام ٹی وی چینلز پر چل رہا تھا۔ نوازشریف کو 33 پولنگ اسٹیشنز سے 1 لاکھ 1 ہزار ووٹ دلوائے گئے۔ یہ بہت بڑی دھاندلی کا کیس ہے۔

ممبر الیکشن کمیشن نے ریمارکس دیئے کہ اس کیس میں تو الیکشن کمیشن بھی جوابدہ ہے، ہم اپنے خلاف کیس سنیں؟

الیکشن کمیشن نے کیس میں نواز شریف کو نوٹس جاری کر دیا ریٹرننگ افسر سے رپورٹ طلب کرتے ہوئے سماعت 27 فروری تک ملتوی کردی گئی۔