آسٹریلیا کا دوسری جنگ عظیم کے بعد سب سے بڑی بحریہ تیار کر نے کا اعلان ،خاکہ پیش

سڈنی: آسٹریلیا نے دوسری جنگ عظیم کے بعد سب سے بڑی بحریہ تیار کر نے کے منصوبے کا اعلان کیا ہے جس کے تحت بڑے جنگی جہازوں کے بیڑے کو دوگنا کرنا اور دفاعی اخراجات میں 7 بلین ڈالر کا اضافہ کرنا شامل ہے۔

منصوبے کے تحت، آسٹریلیا کو 26 بڑے جنگی بحری جہازوں کی بحریہ ملے گی جن کی تعداد اس وقت 11 کے لگ بھگ ہے۔

اے ایف پی کے مطابق آسڑیلیا کے وزیر دفاع رچرڈ مارلس نے منگل کو دوسری جنگ عظیم کے بعد سب سے بڑی بحریہ تیار کرنے کے منصوبے کا خاکہ پیش کرتے ہوئے کہا ہے کہ بڑے 26 سطحی جنگی جہازوں پر مشتمل یہ سب سے بڑا بحری بیڑا ہے جو دوسری جنگ عظیم کے خاتمے کے بعد ہمارے پاس ہو گا۔

انہوں نے کہا کہ ایشیا پیسیفک ہتھیاروں کی تیز رفتار دوڑ کے پیش نظر دفاعی اخراجات میں 7 بلین ڈالر کا اضافہ کرنے کے لیے ایک دہائی طویل المدت منصوبہ تیار کر لیا گیا ہے۔ منصوبے کے تحت آسٹریلیا کو چھ ہنٹر کلاس فریگیٹس، 11 عام مقصد کے فریگیٹس، 3 ایئر وارفیئر ڈسٹرائر اور 6جدید ترین سرفس جنگی بحری جہاز ملیں گے جنہیں عملے کی ضرورت نہیں ہو گی۔