الیکشن کمیشن میں مختلف حلقوں کے نتائج سے متعلق سماعتیں جاری

الیکشن کمیشن آف پاکستان میں قومی اسمبلی اور چاروں صوبائی اسمبلیوں کے حلقوں کے نتائج سے متعلق درخواستوں کی سماعت جاری ہے۔

تفصیلات کے مطابق ای سی پی 69 درخواستوں کی سماعت جمعرات کو کرے گا ۔

الیکشن کمیشن آف پاکستان  نے وفاقی دارالحکومت اسلام آباد میں اپنی عمارت میں شکایات کے اندراج کے لیے ایک نامزد سیل بھی قائم کیا ہے۔

یاد رہے کہ الیکشن کمیشن نے دھاندلی کے خلاف متعدد درخواستیں نمٹا دیں ہیں ، سپریم کورٹ آف پاکستان نے انتخابات کالعدم قرار دینے کی درخواست بھی درخواست گزار کی غیر موجودگی کے باعث نمٹا دی اور درخواست گزار کو 5 لاکھ جرمانہ بھی کیا ۔