پاکستان کرکٹ ٹیم کے ہیڈ کوچ مصباح الحق 47 برس کے ہوگئے

تفصیلات کے مطابق ہیڈ کوچ مصباح الحق 28مئی 1974ء کو پنجاب کے شہر میانوالی میں پیدا ہوئے ان کا تعلق نیازی پٹھان قبیلے سے ہے۔  انھوں نے اپنے کرکٹ کیرئیر کا آغاز8مار چ 2001ء میں کیا   اور  پہلا میچ نیوزی لینڈ کرکٹ ٹیم  کے خلاف کھیلا۔

انٹرنیشنل کیرئیر میں  مصباح نے کئی اعزاز اپنے نام کئے، ان کی قیادت میں پاکستان نے سب سے زیادہ چھبیس ٹیسٹ میچزجیتے، دوہزار سولہ میں ٹیم کو ٹیسٹ رینکنگ میں پہلی پوزیشن دلائی اور آئی سی سی سے ٹیسٹ چیمپئن شپ ’میس‘ بھی حاصل کی۔وہ پاکستان کی طرف سے 53میچزمیں کپتانی کے فرائض سر انجام دے چکے ہیں۔

واضح رہے کہ مصباح الحق پاکستان کےاب تک کے سب سے متحرک اور ورسٹائل بلے بازوں  میں سےہیں۔ ان کا نام پاکستان کےکامیاب کپتانوں کی  فہرست میں شامل ہے ۔مصباح اس وقت پاکستان کرکٹ ٹیم کے ہیڈ کوچ ہیں اور آج یعنی 28 مئی 2021 کو وہ 47 سال کے ہو گئے ہیں۔