قومی اسمبلی میں نئے اسپیکر کے انتخاب کے لیے پولنگ کا عمل شروع

اسلام آباد: قومی اسمبلی کے اجلاس میں نئے اسپیکر کے لیے پولنگ کا عمل شروع ہوگیا ہے۔

تفصیلات کے مطابق قومی اسمبلی کا اجلاس سپیکر قومی اسمبلی راجہ پرویز اشرف کی زیر صدارت ہوا۔ یہ مقابلہ سنی اتحاد کونسل کے امیدوار محمد عامر ڈوگر اور پاکستان مسلم لیگ (ن) کے امیدوار ایاز صادق کے درمیان ہے۔

قومی اسمبلی کے اجلاس میں عمر ایوب، بیرسٹر گوہر علی خان اور دیگر کئی سیاسی رہنما موجود ہیں۔ رکن قومی اسمبلی ایک ایک کر کے ووٹ ڈال رہے ہیں۔

سنی اتحاد کونسل (ایس آئی سی) نے اسمبلی کے اس اجلاس کے خلاف احتجاج کیا اور اسپیکر کے ڈائس کا گھیراؤ کیا۔ اس پر راجہ پرویز اشرف نے کہا کہ آپ چاہیں تو احتجاج کرسکتے ہیں لیکن اس اسمبلی کے اجلاس کو آگے بڑھائیں۔

عمر ایوب کا کہنا تھا کہ پاکستان تحریک انصاف (پی ٹی آئی) عمران خان کو اسمبلی میں لانا چاہتی ہے اور انہیں پاکستان کا وزیراعظم بنانا چاہتی ہے کیونکہ عمران پاکستان کے وزیراعظم ہونے کے اصل حقوق محفوظ رکھتے ہیں۔