پاکستان آذربائیجان کے ساتھ اپنے تعلقات کو خصوصی اہمیت دیتا ہے،ڈاکٹرعارف علوی

صدر ڈاکٹر عارف علوی نے کہا ہے کہ پاکستان آذربائیجان کے ساتھ اپنے تعلقات کو خصوصی اہمیت دیتا ہے جو مشترکہ عقیدے تاریخ اور عوامی رابطوں پر مبنی ہیں۔

انہوں نے یہ بات آذربائیجان کے چیمبر آف اکاؤنٹس کے چیئرمین MR-VUGAR GULAMMADOV سے گفتگو کرتے ہوئے کہی جنہوں نے ایوان صدر میں ان سے ملاقات کی۔

صدر نے مالیاتی جانچ پڑتال اور شفافیت میں اضافے کے لئے پاکستان اور آذربائیجان کے آڈٹ کے اداروں کے درمیان تعاون بڑھانے کی ضرورت پر زور دیا۔ انہوں نے امن کے فروغ استحکام اور علاقائی ترقی کے لئے پاکستان اور آذربائیجان کے درمیان تعاون کو ناگزیر قرار دیا۔