اگلے 24 گھنٹوں میں مزید بارشوں کا امکان

ایم ڈی ایم اے نے اگلے 12 سے 24 گھنٹوں میں شمالی علاقوں سمیت خیبرپختونخوا، گلگت بلتستان، آزاد جموں و کشمیر، بالائی اور وسطی پنجاب میں معتدل سے شدید بارش، برفباری اور بیشتر علاقوں میں پر آندھی اور ژالہ باری کا امکان ظاہر کردیا۔

ایم ڈی ایم اے کا کہنا ہے کہ پنجاب کے جنوبی علاقوں میں بھی کچھ علاقوں میں بارش کا امکان ہے، بارشوں کا نیا نظام سندھ کے شمال مغربی علاقوں میں بارش کے امکانات کو بڑھاسکتا ہے۔

ایم ڈی ایم اے کے مطابق اگلی بارشوں کا سلسلہ 5 مارچ سے 7 مارچ تک کے درمیان متوقع ہے، بارشوں کا سلسلہ بلوچستان کے ساتھ خیبر پختونخوا، کشمیر، گلگت بلتستان اور پنجاب کے بالائی علاقوں کو متاثر کرسکتا ہے۔