وزیراعظم کی حلف برداری تقریب پیر کو منعقد کرنے کا فیصلہ

اسلام آباد: ذرائع کے مطابق ملک کے 32 ویں وزیراعظم کی حلف برداری تقریب پیر کو منعقد کرنے کا فیصلہ کیا گیا ہے۔

ذرائع کے مطابق  وزیراعظم کی حلف برداری تقریب 4 مارچ بروز پیر کو دوپہر 3 بجے ایوان صدر میں شیڈول ہے، تاحال پروگرام کے تحت صدر مملکت نئے منتخب وزیراعظم سے عہدے کا حلف لیں گے۔

ذرائع کا کہنا ہے  کہ کل قومی اسمبلی میں منتخب وزیراعظم کو وزیراعظم کی سیکیورٹی دی جائے گی جب کہ وزیراعظم کی حلف برداری تقریب کے لیے دعوت نامے ارسال کردیے گئے ہیں۔

ذرائع نے یہ بھی بتایا کہ آرمی چیف اوردیگر سروسز چیف بھی وزیراعظم کی حلف برداری تقریب میں شرکت کریں گے جب کہ وزرائے اعلیٰ، گورنرز اور نگران وزیراعظم بھی وزیراعظم کی حلف برداری تقریب میں شرکت کریں گے۔

ذرائع کا مزید کہنا ہے کہ نامزد صدر آصف زرداری اور بلاول بھٹو کو بھی وزیراعظم کی حلف برداری تقریب کے دعوت نامے ارسال کیے گئے ہیں۔