ہمیں احتجاج کرنے پر اکسایا جا رہا ہے ، مولانا فضل الرحمن

تفصیلات کے مطابق مولانا فضل الرحمان نے پی بی 7 زیارت میں ری پولنگ کے دوران کارکنوں اور رہنماؤں پر ہونے والے تشدد کی مذمت کی ہے۔

ان کا کہنا تھا کہ حلقے کے نتائج تسلیم نہیں، الیکشن کمیشن نوٹس لے، ٹانک میں بھی ری پولنگ کے دوران یہی رویہ اپنایا گیا۔

انہوں نے کہا کہ فائرنگ کرکے خواتین اور کارکنوں کو زخمی کیا گیا، حلقے میں تشدد اور دھونس سے پولنگ اسٹیشنوں پر قبضے کی مذمت کرتے ہیں۔

سربراہ جے یو آئی نے کہا کہ زخمی ہونے والے کارکنوں اور رہنماؤں کو فوری طبی امداد دی جائے، کارکن حوصلے بلند رکھیں، بزدلانہ کارروائیوں سے مرعوب نہیں ہوں گے۔