اسلام آباد: وزیر اعظم شہباز شریف نے جمعہ کو اعلان کیا کہ انہوں نے چینی حکومت کو خط لکھا ہے، خط میں پاکستان کے لیے قرضوں کی ری پروفائلنگ کی درخواست کی گئی ہے۔

اس اقدام کا مقصد اگلے ماہ تک 7 بلین ڈالر کے اقتصادی بیل آؤٹ کے لیے بین الاقوامی مالیاتی فنڈ (آئی ایم ایف) کی منظوری حاصل کرنا ہے۔

 وزیر اعظم شہباز نے آج قومی اسمبلی کے اجلاس سے قبل وفاقی کابینہ کے اجلاس کے دوران کہا کہ "میں نے چین کو خط لکھا ہے، یہ اب عوامی مفاد  کا معاملہ ہے ۔ 

قرض کی دوبارہ پروفائلنگ، جیسا کہ ورلڈ بینک کے مطابق  ری فنانسنگ، قرض کے متبادل، یا دوبارہ مذاکرات کے ذریعے مستقبل کی ادائیگیوں کے شیڈول میں ترمیم کرنا شامل ہے۔

وزیراعظم شہباز شریف نے کابینہ کو بتایا کہ چینی صدر شی جن پنگ نے درآمدات کو کم کرنے کے لیے مقامی کوئلے کے استعمال کے خیال میں بھرپور دلچسپی ظاہر کی ہے۔

واضح رہے کہ وزیر خزانہ محمد اورنگزیب نے حال ہی میں چین میں کامیاب میٹنگیں کیں جن میں گردشی قرضے کو کم کرنے کے لیے ڈھانچہ جاتی اصلاحات پر بات کی اس کے مسئلے کا حل بھی دریافت کیا ۔ وزیر اعظم شہبازشریف نے صنعتی اور گھریلو صارفین کو ریلیف فراہم کرنے کے لیے حکومتی کوششوں پر زور دیتے ہوئے کہا کہ یہ تمام جماعتوں اور قوم کی مشترکہ آواز ہے۔

اسلام آباد : انسداد دہشتگردی عدالت اسلام آباد نے پی ٹی آئی کے رہنما رؤف حسن کو ایک دن کے جسمانی ریمانڈ پر سی ٹی ڈی کے حوالے کردیا۔

اس حوالے سے انسداد دہشتگری عدالت کے جج طاہر عباس سپرا نے محفوظ شدہ فیصلہ سنایا۔ اب رؤف حسن کو کل انسداد دہشتگردی عدالت میں دوبارہ پیش کیاجائے گا۔

بعدازاں جج طاہر عباس سِپرا نے رؤف حسن کے ایک روز کا جسمانی ریمانڈ منظور ہونے کا حکم نامہ بھی جاری کردیا جس کے مطابق عدالت نے رؤف حسن کے خلاف کیس کا ریکارڈ دیکھا۔

عدالتی حکم نامے میں کہا گیا ہے کہ تفتیش کےدوران شریک ملزمان کے مقدمہ میں ملوث ہونے کا انکشاف ہوا، پولیس نے شریک ملزمان کی گرفتاری کے لیے چھاپے مارے، ٹرانزیکشن ریکارڈ دیکھنے کے لیے تفتیشی افسر کو رؤف حسن کے بینک اکاؤنٹس درکار ہیں۔

حکم نامے میں کہا گیا ہے کہ رؤف حسن سے تفتیش ان کی خراب صحت کے باعث ممکن نہیں ہوسکی، ان کا روزمرہ کی بنیاد پر طبی معائنہ پمز اسپتال میں کیا جاتا ہے۔

حکم نامے میں کہا گیا ہے کہ رؤف حسن کا ایک روز کا جسمانی ریمانڈ منظور کیا جاتا ہے، 3 اگست کو عدالت پیش کیا جائے، رؤف حسن کا روزانہ کی بنیاد پر پمز اسپتال سے طبی معائنہ کرایا جائے۔

واضح رہے کہ گزشتہ ماہ اسلام آباد پولیس نے پی ٹی آئی سیکریٹریٹ پر چھاپا مار کر احمد وقاص جنجوعہ جبکہ ایف آئی اے نے ریاست مخالف پراپیگنڈے میں ملوث ہونے پر رؤف حسن کو گرفتار کیا تھا۔

لاہور: پاکستان تحریک انصاف (پی ٹی آئی) کے مقامی رہنما کو جمعہ کو لاہور میں گولی مار کر ہلاک کر دیا گیا، عینی شاہدین اور پولیس کے مطابق انہیں گولی مار کر قتل کیا گیا۔ 

تفصیلات کے مطابق ڈاکٹر شاہد صدیق خان جمعہ کی نماز پڑھنے جا رہے تھے کہ نامعلوم حملہ آور ان کے قریب آئے اور فائرنگ کر دی۔ گولی لگنے سے زخمی ہونے والے شخص کو جناح اسپتال لے جایا گیا جہاں وہ زخموں کی تاب نہ لاتے ہوئے موقع پر ہی جاں بحق ہو گئے ۔  

واضح رہے کہ ابھی تک فائرنگ کی وجہ معلوم نہیں کی جاسکی ۔