مولانا فضل الرحمان نے موجودہ پارلیمنٹ دھاندلی کی پیداوار قرار دے دیا

سربراہ جے یو آئی مولانا فضل الرحمان نے کہا ہے کہ 2024 کے انتخابات میں دھاندلی نے 2018 کے بھی ریکارڈ توڑ دیئے۔ موجودہ پارلیمنٹ عوام نہیں دھاندلی کی پیداوار ہے۔

پریس کانفرنس کرتے ہوئے جےیو آئی کے سربراہ مولانا فضل الرحمان نے کہا کہ کچھ لوگ ویسے ہی اسمبلیوں سے مایوس ہیں۔ موجودہ پارلیمنٹ عوام نہیں دھاندلی کی پیداوار ہے۔جمہوریت اپنا مقدمہ ہار رہی ہے اور پارلیمنٹ اپنی اہمیت کھو رہی ہے۔ اس میں کچھ لوگ اپنے آپ کو حکمران کہہ رہے ہیں۔ ہم نے تحفظات کے ساتھ پارلیمنٹ میں جانے کا فیصلہ کیا ہے

سربراہ جے یو آئی مولانا فضل الرحمان نے کہا ہے کہ ہم نے سیاست میں کبھی گالم گلوچ کو فروغ نہیں دیا ، ہم آج بھی اپنے موقف پر قائم ہیں، ہم اپنے موقف پر رہ کر سیاست کریں گے۔ موجودہ پارلیمنٹ قوم کے دلوں پر حکومت نہیں کر سکتی۔ آصف علی زرداری اور نواز شریف کے کوئی ذاتی جھگڑا نہیں۔  پورے ملک میں تحریک چلانے کا لائحہ عمل بنائیں گے، ہم نے ملک بھر میں الیکشن نتائج کو مسترد کردیا تھا

انہوں نے کہا کہ یہ کسی کے باپ کی جاگیر نہیں۔ ہم اپنے حق پر کوئی ڈاکی تسلیم نہیں کریں گے۔  موجودہ الیکشن میں دھاندلی کی بد ترین مثال قائم کرتے ہوئے  بلوچستان اور سندھ اسمبلی خریدی گئیں اور انہی اسمبلیوں میں عہدوں کی بندر بانٹ کی گئی ہے ۔

انہوں نے مزید کہا کہ ہم جمہوریت پر یقین رکھتے ہیں تو جمہوری سوچوں کا سہارا لیں ، کسی آمر کا سہارا نہ لیں ، یہ جماعتیں جب اقتدار سے باہر ہوتی ہیں تو جمہوریت کیلئے احتجاج کرتی ہیں، ان کے کارکن سڑکوں پر مار کھاتے ہیں ، جیل جاتے ہیں لیکن جب وہ برسراقتدار آ جاتی ہیں تو پھر انہی کی آلہ کار بن جاتی ہیں جن کی وجہ سے جمہوریت کو خطرات لاحق ہوتے ہیں۔