پی ٹی آئی ملک پاکستان میں بیرونی مداخلت کا دروازہ کھول رہی ہے ، احسن اقبال

رہنما مسلم لیگ ن احسن اقبال نے سوشل میڈیا کی ویب سائٹ ایکس پر ایک پیغام جاری کیا جس میں انہوں  نے کہا کہ پی ٹی آئی کا مسئلہ دھاندلی نہیں ہے، پی ٹی آئی بیرونی مداخلت کا دروازہ کھول رہی ہے، بطور رکن حلف لینے کے بعد یہ لوگ 8 فروری کے انتخابات کو تسلیم کر چکے ہیں، یہ لوگ اپوزیشن کا کردار ادا کریں ہم خوش آمدید کہیں گے۔

احسن اقبال نے مزید کہا کہ دو دن میں وفاقی کابینہ کی تشکیل واضح ہو جائے گی، اسحاق ڈار کے نام پر کوئی اعتراض نہیں سنا۔