چیئرمین پی سی بی محسن نقوی سے نیوزی لینڈ کرکٹ کے سکیورٹی وفد کی ملاقات

چیئرمین پاکستان کرکٹ بورڈ(پی سی بی) محسن نقوی سے نیوزی لینڈ کے سکیورٹی وفد نے ملاقات کی ہے۔

سکیورٹی وفد میں نیوزی لینڈ پلیئرز ایسوسی ایشن کے چیف ایگزیکٹو آفیسر ہیتھ ملز اور سکیورٹی کنسلٹنٹ ریگ ڈکاسن شامل تھے ۔ ملاقات میں نیوزی لینڈ کرکٹ ٹیم کے دورہ پاکستان کے انتظامات اور سکیورٹی پلان پر تبادلہ خیال کیا گیا ۔ چیئرمین پی سی بی محسن نقوی نے کیوی وفد کو فول پروف سکیورٹی انتظامات کی یقین دہانی کرائی ۔

اس موقع پر محسن نقوی نے کہا کہ نیوزی لینڈ کرکٹ ٹیم کے کھلاڑی پاکستان کے مہمان ہیں ۔ کیوی ٹیم کے لئے بہترین سکیورٹی انتظامات کئے جائیں گے ۔ کیوی وفد کو پاکستان کرکٹ بورڈ کی جانب سے کیے گئے سکیورٹی اقدامات سے آگاہ کیا گیا۔

سکیورٹی وفد نے راولپنڈی کرکٹ سٹیڈیم کا دورہ کیا اور سکیورٹی پلان پر اطمینان کا اظہار کیا ۔