لاہور میں غیر اعلانیہ لوڈ شیڈنگ سے شہری پریشان

تفصیلات کے مطابق  لاہور کے مختلف علاقوں میں بجلی کی اچانک بندش    کی وجہ سے  شہری  بے حد پریشان ہیں ۔ گرمی کی شدت میں اضافہ ہوتےہی  لاہور میں غیراعلانیہ لوڈشیڈنگ کاسلسلہ جاری  ہے ۔ ایک طرف گرمی نے  لوگوں کو نڈھال کیا ہو اہے تو  دوسری طرف بجلی  کے آنے اور جانے کاکوئی وقت مقرر نہیں  ۔  مختلف علاقوں میں بجلی کی بندش سے پانی کی فراہمی  بھی متاثر ہوئی ہے ۔  لاہور کے علاقے اقبال ٹاؤن، ٹاؤن شپ، مسلم ٹاؤن، سنگھ پورہ،گڑھی شاہو،ڈیوس روڈ، چوبرجی، مغلپورہ،شادمان، شاہدرہ اوراسلام پورہ  میں بھی  لوڈ شیڈنگ جاری ہے ۔

دوسری جانب   لیسکو کا کہنا ہے کہ  شہرمیں ٹرپنگ  کا لوڈ شیڈنگ سے کوئی تعلق نہیں ہے، اور   لوڈشیڈنگ صرف ہائی لاسز والےعلاقوں میں کی جا رہی ہے جس کا دورانیہ 8 گھنٹے ہے  ۔

واضح رہے کہ   چند روز قبل محکمہ موسمیات نے  ملک کے بیشتر حصوں میں   درجہ حرارت بڑھنے کی پیشگوئی کی ہے ۔لاہور سمیت پنجاب کے مختلف شہروں میں موسم گرم اور خشک رہے گا۔