شہزاد اکبر کی درخواست پر ایم پی اے نذیر چوہان کیخلاف مقدمہ درج

تفصیلات کے مطابق مشیر داخلہ شہزاد اکبر نے جہانگیر ترین گروپ کے رہنما نذیر چوہان کے خلاف 20 مئی کو درخواست دی تھی۔ شہزاد اکبر نے درخواست میں مؤقف اختیار کیا تھا کہ نذیر چوہان نے ٹی وی پروگرام میں مجھ پر بے بنیاد الزامات عائد کیے ، نذیر چوہان کے الزامات سے میری زندگی کو خطرہ ہو سکتا ہے۔ درخواست میں شہزاد اکبر نے مؤقف اپنایا کہ نذیر چوہان کی گفتگو کا مطلب کرپشن کے خلاف کام کی حوصلہ شکنی ہے، نذیر چوہان کے خلاف مقدمہ درج کر کے سخت ایکشن لیا جائے۔

اس سے قبل  سماجی رابطے کی ویب سائٹ ٹوئٹر پر شہزاد اکبر  نے بیا ن میں کہا کہ کچھ نادان دوست ابھی بھی سوشل میڈیا پہ کمراہ کن باتیں پھیلا رہے ہیں ۔  ایف آئی آر کے مطابق ایک مسلمان شخص پر کفر کی تہمت لگانا تعزیرات پاکستان کے مطابق جرم ہے اور افسوس یہ جرم نذیر چوہان نے سرزد کیا اور میری مدعیت میں لاہور پولیس نے اسکا مقدمہ درج کردیا ہے۔

کچھ نادان دوست ابھی بھی سوشل میڈیا پہ کمراہ کن باتیں پھیلا رہے ہیں نیچھے دی ایف آئی آر کے مطابق ایک مسلمان شخص پر کفر کی تہمت لگانا تعزیرات پاکستان کے مطابق جرم ہے اور افسوس یہ جرم نذیر چوہان نے سرزد کیا اور میری مدیت میں لاہور پولیس نے اسکا مقدمہ درج کردیا ہے pic.twitter.com/9NLkQXEukD

— Mirza Shahzad Akbar (@ShazadAkbar) May 29, 2021

اس حوالے سے  وفاقی وزیر فواد چودھری نے ٹوئٹر پر ایک بیان میں کہا کہ مذہبی کارڈ کو اپنے مقاصد کیلئے استعمال کرنا قابل مذمت ہے، لاہور پولیس کو نذیر چوہان کیخلاف سخت کارروائی کرنی چاہیے، شہزاد اکبر اپنا کام بہتر انداز سے کر رہے ہیں، ریاست اس وقت تک   کام نہیں کرسکتی جب تک اپنے نمائندوں کو ایسے حملوں سے محفوظ نہ رکھے۔

Using religion card for personal vendetta is despicable Lahore Police must take strict action against Nazeer Chohan MPA for using third rated tactics against @ShazadAkbar Shahzad is doing his job State cannot function if it fails to safeguard his officials against such attacks

— Ch Fawad Hussain (@fawadchaudhry) May 29, 2021

دوسری جانب ایم پی اےنذیر چوہان  نے خود گرفتاری دینے کا اعلان کیا ہے ۔