محسن نقوی حکومتی اتحاد کے امیدوار کے طور پر سینیٹ کا الیکشن لڑیں گے

سابق نگران وزیر اعلیٰ پنجاب اور پاکستان کرکٹ بورڈ کے موجودہ چیئرمین محسن نقوی حکومتی اتحاد کے امیدوار کے طور پر سینیٹ کا الیکشن لڑیں گے اور اس حوالے سے کاغذات نامزدگی جمع کرائیں گے

ذرائع کے مطابق سینیٹر منتخب ہونے کے بعد محسن نقوی کو وفاق میں اہم وزارت دی جائے گی اور امکان ہے کہ انہیں وزیر داخلہ بنایا جائے گا جبکہ چیئرمین پی سی بی کا عہدہ وہ اپنے پاس ہی رکھیں گے۔

دوسری طرف  رانا محمود الحسن پنجاب سے پی پی کے سینیٹر کے امیدوار ہوں گے۔

واضح رہے کہ محسن نقوی موجودہ حکومت قائم ہونے سے قبل نگران وزیر اعلیٰ پنجاب کے  عہدے پر فائز تھے جبکہ وہ اس وقت چیئرمین پاکستان کرکٹ بورڈ کی ذمہ داریاں نبھا رہے ہیں۔