پی ایس ایل 9 فائنل کے لیے امپائر اور میچ ریفری کی تقرریوں کا اعلان

پاکستان کرکٹ بورڈ نے ایچ بی ایل پی ایس ایل نائن کے تین پلے آف اور فائنل کے لیے امپائر اور میچ ریفری کی تقرریوں کا اعلان کردیا، میچز 14سے 18مارچ تک کراچی کے نیشنل بینک اسٹیڈیم میں کھیلے جائیں گے۔

پی سی بی کے مطابق 14مارچ کو ہونے والے ٹیبل ٹاپرز ملتان سلطانز اور پشاور زلمی کے درمیان کوالیفائر میں علیم ڈار اور رچرڈ ایلنگ ورتھ آن فیلڈ امپائر ہوں گے جبکہ راشد ریاض اور فیصل آفریدی بالترتیب تھرڈ اور فورتھ امپائر ہوں گے۔

اسی طرح روشن ماہنامہ میچ ریفری پلیئنگ کنٹرول ٹیم کی قیادت کریں گے۔15 مارچ کو اسلام آباد یونائیٹڈ اور کوئٹہ گلیڈی ایٹرز کے درمیان ہونے والے ایلیمینیٹر 1 میں احسن رضا اور کرس گیفانی آن فیلڈ امپائر ہوں گے جبکہ آصف یعقوب اور راشد ریاض بالترتیب تھرڈ اور فورتھ امپائر ہوں گے۔

اسی طرح محمد جاوید میچ ریفری پلیئنگ کنٹرول ٹیم کی قیادت کریں گے۔16 مارچ کا ایلیمینیٹر 2 جس میں 14 مارچ کے میچ کے ہارنے والے اور 15 مارچ کے میچ کے فاتح کے درمیان ہونے والے میچ میں رچرڈ ایلنگ ورتھ اور آصف یعقوب آن فیلڈ امپائر کی ذمہ داریاں سرانجام دیں گے جبکہ احسن رضا اور فیصل آفریدی بالترتیب تھرڈ اور فورتھ امپائر ہوں گے۔

اسی طرح محمد جاوید میچ ریفری پلیئنگ کنٹرول ٹیم کی قیادت کریں گے۔18 مارچ کو شیڈول فائنل کے لیے رچرڈ ایلنگ ورتھ اور کرس گیفانی آن فیلڈ امپائرز کے فرائض سرانجام دیں گے جبکہ احسن رضا اور آصف یعقوب بالترتیب تھرڈ اور فورتھ امپائر ہوں گے۔