وزیر اعظم نے چیئرمین ارسا کی تعیناتی کا نوٹیفکیشن واپس لے لیا

وزیر اعظم پاکستان شہباز شریف نے حکومت سندھ کی مخالفت پر چیئرمین انڈس ریور سسٹم اتھارٹی (ارسا) کی کی تعیناتی کا نوٹیفکیشن واپس لے لیا۔

وزیراعظم شہبازشریف اوروزیراعلیٰ سندھ مرادعلی شاہ کےدرمیان ٹیلیفونک رابطہ ہوا۔  وزیر اعظم شہباز شریف نے چیئرمین ارسا کی تعیناتی کا نوٹیفکیشن واپسی لینے کی یقین دہانی کرائی جس کے بعد وفاق نے  ظفر محمود کی بطور چیئرمین ارسا کی تعیناتی کا نوٹیفیکیشن واپس لے لیا۔

وزیراعلیٰ سندھ  اور اورمحکمہ آبپاشی نےموقف اپنایا تھا کہ سی سی آئی میں طےہوچکا ہےکہ چیئرمین کی تعیناتی روٹیشن کی بنیاد پرصوبوں کےممبر سے ہو گی جس کو وزیراعظم شہبازشریف نےمان لیا۔