وزیر اعظم شہباز شریف کی وزیرستان میں دہشتگرادانہ حملے کی مذمت

اسلام آباد : وزیرِ اعظم شہباز شریف نے شمالی وزیرِ ستان میں دہشتگردوں کی بزدلانہ کاروائی کی شدید الفاظ میں مذمت کرتے ہوئے کہا ہے کہ سکیورٹی فورسز کے جوانوں نے دہشتگردوں کے ناپاک عزائم کو مٹی میں ملا دیا۔

وزیرِ اعظم شہباز شریف  نے کہا کہ مجھ سمیت پوری قوم کو اپنی جانوں کا نذرانہ پیش کرنے والے شہید جوانوں پر فخر ہے۔

پرائم منسٹر آفس کے پریس ونگ سے جاری بیان کے مطابق وزیرِ اعظم شہباز شریف نے واقعے میں سکیورٹی فورسز کے 7 اہلکاروں بشمول دو افسران کی شہادت پر گہرے دکھ اور غم کا اظہارکیا۔

وزیرِ اعظم نے شہداء کے بلندی درجات اور انکے لواحقین کیلئے صبر جمیل کی دعاکی۔ وزیر اعظم نے کہا کہ سکیورٹی فورسز کے جوانوں نے دہشتگردوں کے ناپاک عزائم کو مٹی میں ملا دیا ہے۔ وزیرِ اعظم نے کہا کہ مجھ سمیت پوری قوم کو اپنی جانوں کا نذرانہ پیش کرنے والے پک فوج کے شہید جوانوں پر فخر ہے۔