حکومت جنگلات پر مشتمل ملک کے اہم ماحولیاتی نظام کے تحفظ کو یقینی بنائے گی:وزیراعظم

وزیراعظم شہباز شریف نے کہا ہے کہ حکومت جنگلات میں اضافے، جنگلی حیات کے تحفظ اور کاربن گیسوں کا اخراج کم کرنے میں معاونت کیلئے اپنی سر سبز پاکستان مہم کے نئے مرحلے میں داخل ہورہی ہے۔

آج (جمعرات) منائے جانے والے جنگلات کے عالمی دن کے موقع پر اپنے پیغام میں انہوں نے کہا کہ حکومت جنگلات پر مشتمل ملک کے اہم ماحولیاتی نظام کے تحفظ کو یقینی بنائے گی کیونکہ یہ گزربسر اور قوم کی ماحولیاتی فلاح کے لئے لائف لائن کا درجہ رکھتے ہیں۔وزیر اعظم نے صوبائی حکومتوں، سول سوسائٹی اور عوام پر زور دیا کہ وہ سرسبز پاکستان کے حصول میں شراکت دار بنیں۔

شہباز شریف نے مقامی جنگلات کے فوری تحفظ کی ضرورت پر توجہ مبذول کراتے ہوئے قوم پر زور دیا کہ وہ اگلی نسل کیلئے یہ انمول سرمایہ محفوظ بنانے کیلئے اپنی کوششیں متحرک کریں۔