بانی چیئرمین پی ٹی آئی او ر بشری بی بی کی عدالت پیشی کےلئے پروڈکشن آرڈر جاری

اسلام آباد کی مقامی عدالت نے ضمانت کی درخواستوں میں بانی پی ٹی آئی عمران خان اور ان کی اہلیہ بشریٰ بی بی کے پروڈکشن آرڈر جاری کرتے ہوئے پیش کرنے کا حکم دے دیا۔

معاملے کی سماعت ایڈیشنل ڈسٹرکٹ اینڈ سیشن جج طاہر عباس سپرا نے کی۔ بانی پی ٹی آئی کے وکیل خالد یوسف چوہدری عدالت میں پیش ہوئے۔

گزشتہ سماعت پر عدالت نےوڈیو لنک کے ذریعے حاضری کا حکم دیا تھا تاہم آج بھی بانی پی ٹی آئی کی وڈیو لنک حاضری نہیں لگوائی گئی۔

ڈسٹرکٹ اینڈ سیشن کورٹس اسلام آباد نے عدالت پیشی کے معاملے پر بانی پی ٹی آئی اور بشریٰ بی بی کے پروڈکشن آرڈرجاری کرتے ہوئے حکم دیا کہ عمران خان کو 4 اپریل کو عدالت پیش کیا جائے۔

وکلاکی جانب سے عدالت پیشی کے حوالے سے درخواست دائر کی گئی تھی۔

وڈیو لنک کےذریعےحاضری نہ لگوانے پر عدالت کی جانب سےنوٹس جاری کردیا گیا۔

اڈیالہ جیل کے حکام نے توہین عدالت نوٹس پر تحریری جواب اور ٹیکنیکل رپورٹ عدالت میں جمع کروا دی۔

جیل حکام کی جانب سے جمع کروائی گئی رپورٹ میں کہا گیا ہے کہ سرور ڈاؤن ہونے کے باعث بانی پی ٹی آئی کی ویڈیو لنک کے ذریعے حاضری ممکن نہیں ہو سکی۔