رواں ہفتےغزہ میں جنگ بندی کا نیاد ور متوقع ہے ، امریکہ

امریکہ نے کہا ہے کہ غزہ میں جنگ بندی کی کوششوں کے سلسلے میں رواں ہفتے قاہرہ میں مذاکرات کا نیا دور متوقع ہے۔وائٹ ہاؤس نے ایک بیان میں کہا کہ سی آئی اے کے ڈائریکٹر بل برنس مذاکرات میں امریکی وفد کی قیادت کریں گے۔

دوسری جانب اقوام متحدہ کے سیکرٹری جنرل انتونیو گوتریس نے غزہ میں جاری جنگ کے چھ ماہ مکمل ہونے کے موقع پر اپنے ایک بیان میں کہا کہ غزہ پر جاری اسرائیلی جارحیت کے نتیجے میں فلسطینیوں کو مسلسل شہادتوں اور تباہی کا سامنا ہے۔

یاد رہے کہ اسرائیل نے غزہ میں 13 ہزار سے زائد کم سن بچوں کو بھی نشانہ بنایا اور اب تک 34 ہزار سے زائد مسلمانوں کو شہید کیا ۔