پاکستا ن کو 2030 تک مختلف قسم کے مسائل سے نمٹنا ہو گا ، پاکستانی مندوب

اقوام متحدہ میں پاکستان نے ترقی پذیر ممالک میں پائیدار ترقی کے فروغ کے لئے بنیادی ڈھانچے کی ترقی پر زور دیا ہے۔یہ بات اقوام متحدہ میں پاکستان کے مستقل نمائندے منیر اکرم نے نیویارک میں اقوام متحدہ کی جنرل اسمبلی کے اجلاس کے موقع پر اپنے اپنے بیان میں کہی۔

انہوں نے کہا کہ دوہزارتیس تک پائیدارترقیاتی اہداف کے حصول کے لئے توانائی، ٹرانسپورٹ، ہائوسنگ، مواصلات اورصنعتی و زرعی پیداوار اوربنیادی ڈھانچے کی ترقی کے شعبوں میںوسائل کی اشد ضرورت ہے۔

پاکستانی سفیر نے کہا کہ اکثرترقی پذیرملکوں میںبنیادی ڈھانچے کی ترقی میں سرمایہ کاری کیلئے سرکاری وسائل دستیاب نہیں ہیں اور وہ نجی سرمایہ کاری کے لئے بھی عدم توجہی کا شکارہیں۔