ضمنی الیکشن کے نام پر صرف تماشا لگایا گیا، بیرسٹرگوہر

چیئرمین تحریک انصاف بیرسٹر گوہر علی خان نے کہا کہ ضمنی الیکشن کے نام پر صرف تماشا لگایا گیا، پولنگ اسٹیشن پر صبح سویرے ہی ڈنڈا بردار لوگ یونیفارم اور سادہ لباس افراد ٹھپے لگاتے رہے، الیکشن کمیشن شفاف انتخابات کرانے میں فیل ہو چکا ہے۔

چیئرمین تحریک انصاف بیرسٹر گوہر علی خان نے حلقہ پی پی 32 کے کھٹالہ پولنگ سٹیشن پر میڈیا سے گفتگو کرتے ہوئے کہا کہ پولنگ کے دوران پولیس اور سٹاف کو باہر رکھا گیا۔بانی پی ٹی آئی کی رہائی جلد دیکھ رہا ہوں، 5 دنوں میں 3 سزائیں دلوانے والوں نے ایک جج سے اس کے بیٹے کا ولیمہ ملتوی کروایا۔

پولنگ اسٹیشن پر صبح سویرے ہی ڈنڈا بردار لوگ یونیفارم اور سادہ لباس افراد ٹھپے لگاتے رہے،بیرسٹر گوہر
pic.twitter.com/JnRkCYgvuk

— PTI (@PTIofficial) April 21, 2024

بیرسٹر گوہر نے کہا کہ ووٹ اور پبلک کی سپورٹ سے ہی ایوان بننا چاہئے نہ کہ دھاندلی سے، پی پی 32 کے نتائج تسلیم کرنے والی بات تو ہے ہی نہیں۔ الیکشن کمیشن کو ہم بار بار کہتے رہے کہ ہمیں لیول پلیئنگ فیلڈ مہیا گی جائے ، آزاد اور منصفانہ انتخابات کرائے جائیں لیکن جو ہو رہا ہے اس طریقے سے الیکشن نہیں ہوئے۔

چیئرمین پی ٹی آئی نے کہا کہ نارووال میں ورکر کی ہلاکت پر دکھ ہوا، سب کو پرامن رہنا چاہئے، سیاسی جماعتوں کے ورکرز کو ایک دوسرے کی رائے کا احترام کرنا چاہئے، عوام کو بانی پی ٹی آئی سے دور رکھنے کی کوشش کامیاب نہیں ہوگی۔