امریکا اور یورپی یونین کی ایرانی شخصیات اور اداروں پر مزید پابندیاں

امریکا اور یورپی یونین نے ایرانی شخصیات اور اداروں پر الگ الگ نئی پابندیاں عائد کی ہیں جن میں ایرانی وزیر دفاع محمد رضا اشتیانی بھی شامل ہیں۔

غیر ملکی میڈیا رپورٹ کے مطابق یورپی یونین نے 6 ایرانی شخصیات اور 3 اداروں پر پابندیاں عائد کرنے کا علان کر دیا۔یہ پابندیاں روس اور مشرق وسطیٰ میں مسلح گروہوں کو ہتھیاروں کی منتقلی میں کردار ادا کرنے پر عائد کی گئی ہیں۔

دوسری جانب امریکی محکمہ خزانہ نے اپنی ویب سائٹ پربتایا کہ امریکا نے ایرانی ایرو سپیس انڈسٹریز آرگنائزیشن سے منسلک ایک فرد اور 4 اداروں پر پابندیاں عائد کی ہیں۔

یاد رہے کہ گزشتہ دو سال کے دوران ایران نے روس کو یوکرین جنگ میں استعمال کے لیے ڈرون سمیت کسی بھی ہتھیار کی فروخت سے انکار کیا ہے۔ دوسری طرف یوکرین نے بار بار روس کی جانب سے ایرانی ڈرونز کو اپنی افواج کے خلاف استعمال کرنے کے شواہد پیش کرنے کا دعویٰ کیا ہے۔