پاکستان
وزیر اعظم کا منشیات سمگلنگ کی کوشش نا کام بنانے پر پاک بحریہ کی تعریف
پاک بحریہ نے شمالی بحیرہ عرب میں انسداد منشیات کی کامیاب کارروائی کی۔پی این ایس یرموک نے ہزاروں ڈالر مالیت کی 380 کلوگرام منشیات سمگلنگ کرنے کی کوشش ناکام بنا دی
![وزیر اعظم کا منشیات سمگلنگ کی کوشش نا کام بنانے پر پاک بحریہ کی تعریف](/media/107533/conversions/images-(2)-1280x720.jpg)
وزیراعظم محمد شہبازشریف نے شمالی بحیرہ عرب میں 380 کلوگرام منشیات سمگل کرنے کی کوشش ناکام بنانے کی کارروائی پر پاک بحریہ کو سراہا ہے۔انہوں نے منشیات کی سمگلنگ ناکام بنانے پر پی این ایس یرموک کے افسروں اور اہلکاروں کو قابل ستائش قرار دیا۔وزیراعظم نے کہا کہ پاکستان کی سمندری حدود کے تحفظ اور غیر قانونی سرگرمیوں کی روک تھام کے سلسلے میں پاک بحریہ کے حکام کی کاوشیں قابل تحسین ہیں۔
اس سے پہلے پاک بحریہ نے شمالی بحیرہ عرب میں انسداد منشیات کی کامیاب کارروائی کی۔پی این ایس یرموک نے ہزاروں ڈالر مالیت کی 380 کلوگرام منشیات سمگلنگ کرنے کی کوشش ناکام بنا دی۔
انسداد منشیات کی یہ کارروائی پاک بحریہ کی مؤثرنگرانی کا نتیجہ ہے۔پاک بحریہ کے جنگی جہاز منشیات و انسانی سمگلنگ اور قزاقی کی روک تھام کیلئے مستقل بنیادوں پر سمندر میں اس طرح کی کارروائیوں میں مصروف عمل رہتے ہیں۔
پاکستان
اسپیکر قومی اسمبلی ایاز صادق کا پی ٹی آئی کے گرفتار رہنماؤں کو رہا کرنے کا حکم
اپنے ارکان کی تذلیل اور تضخیک پرداشت نہیں کروں گا، ایاز صادق
![اسپیکر قومی اسمبلی ایاز صادق کا پی ٹی آئی کے گرفتار رہنماؤں کو رہا کرنے کا حکم](/media/117807/conversions/836498_65635780-1280x720.jpg)
اسپیکر قومی اسمبلی ایاز صادق نے آجی جی اسلام آباد کو پی ٹی آئی کے گرفتار رہنماؤں کو رہا کرنے کا حکم دے دیا۔
اسپیکر قومی اسمبلی سردار ایاز صادق نے کل کے واقعے کا نوٹس لیتے ہوئے کارروائی کا فیصلہ کر لیا۔
بتائیں کے پارلیمنٹ ہاؤس کے اندرسے اراکین کو کیوں گرفتار کیا، اپنے ارکان کی تذلیل اور تضخیک پرداشت نہیں کروں گا۔
قومی اسمبلی اجلاس کے دوران اسپیکر ایاز صادق نے کہا کہ کل رات کے واقعے پر ایکشن لیں گے اور خاموش نہیں رہیں گے، واقعے کو سنجیدگی سے دیکھا جائے گا۔
اسپیکر ایاز صادق نے آئی جی اسلام آباد ، ڈی آئی جی اور ایس ایس پی کو اپنے چیمبر میں طلب کر لیا۔
سردار ایاز صادق نے کہا کہ بدقسمتی سے جب پارلیمنٹ پر پہلا حملہ ہوا میں ہی اسپیکر تھا، اس کے بعد پارلیمنٹ لاجز پر اٹیک ہوا۔ کل رات جو پارلیمنٹ پر ہوا اسے تیسرا حملہ سمجھتا ہوں، اس پر خاموش نہیں رہا جا سکتا، کل کے واقعہ کی تمام فوٹیجز طلب کی ہیں، اس معاملے کو ہم سنجیدگی سے دیکھیں گے، حقائق اور فوٹیج دیکھنے کے بعد ایکشن لیا جائے گا۔
اس موقع پر سپیکر قومی اسمبلی کے چیمبر میں ارکان پارلیمنٹ کی میٹنگ ہوئی، علی محمد خان، اعظم نذیر تارڑ، نوید قمر، محمود خان اچکزئی سپیکر چیمبر میں موجود تھے، میٹنگ میں گزشتہ رات پیش آنے والے واقعہ پر مشاورت کی گئی، سپیکر نے قومی اسمبلی کی تمام داخلی و خارجی راستوں کی سی سی ٹی وی فوٹیج منگوا لی۔
علی محمد خان نے بھی گزشتہ روز کے واقعے کی تمام فوٹیجز سپیکر کو فراہم کر دیں۔
اسپیکر قومی اسمبلی کا کہنا تھا کہ اس معاملے پر اسٹینڈ لینا پڑے گا، ساری ویڈیوز منگوالی ہیں، ذمہ دار کا تعین کرنا پڑے گا جبکہ ایف آئی آر بھی کٹوانی پڑی تو کرواؤں گا، نامزد کروں گا۔
جرم
جنوبی وزیرستان کی تحصیل وانا میں دھماکہ، 6 پولیس اہلکار سمیت 13 افراد زخمی
جنوبی وزیرستان کے علاقے رستم بازار میں کاری کوٹ روڈ پر 2 پولیس وینز پولیو ٹیموں کو سکیورٹی فراہم کرنے کے لیے جا رہی تھیں
![جنوبی وزیرستان کی تحصیل وانا میں دھماکہ، 6 پولیس اہلکار سمیت 13 افراد زخمی](/media/117782/conversions/ertgreyh-1000x600-1280x720.jpg)
جنوبی وزیرستان کی تحصیل وانا میں دھماکے کے نتیجے میں 6 پولیس اہلکار اور 7 شہری زخمی ہو گئے۔
پولیس ذرائع کے مطابق صبح کے وقت جنوبی وزیرستان کے علاقے رستم بازار میں کاری کوٹ روڈ پر 2 پولیس وینز پولیو ٹیموں کو سکیورٹی فراہم کرنے کے لیے جا رہی تھیں، جب انہیں نشانہ بنایا گیا۔
حملے میں دیسی ساختہ دھماکا خیز مواد (آئی ای ڈی) استعمال کیا گیا، صبح تقریباً 8 بج کر 30 منٹ پر دو پولیس وینز کو اس وقت نشانہ بنایا گیا جب اہلکار ویکسینیشن مہم کے پہلے دن پولیو ٹیموں کو سیکیورٹی فراہم کرنے جا رہے تھے۔
وانا ڈسٹرکٹ ہیڈ کوارٹرز ہسپتال کے میڈیکل سپرنٹنڈنٹ ڈاکٹر حماد محمود نے تصدیق کی کہ زخمیوں میں 6 پولیس اہلکار اور 7 شہری شامل ہیں، انہوں نے بتایا کہ زخمیوں میں سے ایک کی حالت تشویشناک ہے۔
دوسری طرف پولیس کے مطابق رات گئے مسلح افراد نے ڈیرہ اسمعٰیل خان کی زرعی یونیورسٹی، لکی مروت یونیورسٹی اور گومل یونیورسٹی کے وائس چانسلر ڈاکٹر شکیب اللہ کی گاڑی پر فائرنگ کی۔
حکام کے مطابق اس سے پہلے پشاور کے نواحی علاقے میں دہشت گرد ایکسائز پولیس کی چیک پوسٹ دیکھ کر خودکش جیکٹ چھوڑ گئے تھے، جس کا وزن تقریباً سات کلوگرام تھا۔
ایکسائز پولیس کے کچھ اہلکار جمیل چوک کے علاقے سے گزرنے والوں کی تلاشی لے رہے تھے جب 2 دہشت گرد موٹر سائیکل پر سوار ہو کر وہاں سے گزرے، خودکش جیکٹ پھینکی اور تیزی سے فرار ہو گئے۔
گل بہار پولیس کے اسٹیشن ہاؤس افسر (ایس ایچ او ) نعمان خان نے ڈان کو بتایا کہ بم ڈسپوزل یونٹ (بی ڈی یو) کے اہلکاروں نے دھماکا خیز مواد کو ناکارہ بنا دیا۔
دنیا
متحدہ عرب امارات میں 12 ربیع الاوّل کو عام تعطیل کا اعلان
متحدہ عرب امارات کی فیڈرل اتھارٹی آف ہیومن ریسورسز نے رسول اللہ ﷺ کی ولادت باسعادت کی خوشی میں عام تعطیل کا اعلان کیا ہے
![متحدہ عرب امارات میں 12 ربیع الاوّل کو عام تعطیل کا اعلان](/media/117775/conversions/836376_18403613-1280x720.jpg)
متحدہ عرب امارات نے رسول اللہ ﷺ کی ولادت باسعادت کی خوشی میں 12 ربیع الاوّل کو عام تعطیل کا اعلان کیا ہے۔
عرب میڈیا کے مطابق متحدہ عرب امارات کی فیڈرل اتھارٹی آف ہیومن ریسورسز نے سوشل میڈیا پوسٹ میں لکھا کہ وفاقی حکومت نے 12 ربیع الاول کی تعطیل کے لیے سرکلر جاری کردیا گیا۔
انسانی وسائل اور امارات کی وزارت نے اعلان کیا کہ اتوار 15 ستمبر 2024 کو نبی کریم صلی اللہ علیہ وسلم کے یوم ولادت کی مناسبت سے سرکاری اداروں سمیت نجی شعبے کے ملازمین کے لیے بھی عام تعطیل ہوگی۔
یہ فیصلہ 2024 کے لیے سرکاری اور نجی شعبوں کے لیے سرکاری تعطیلات کے حوالے سے متحدہ عرب امارات کی کابینہ کی قرارداد کے مطابق ہے۔
وزارت کے بیان میں متحدہ عرب امارات کے شہریوں اور کو مبارک باد دی گئی اور نیک خواہشات کا اظہار کیا گیا ہے۔
-
پاکستان ایک دن پہلے
پولیس کی پی ٹی آئی رہنماؤں کے خلاف جلسے میں شرائط کی خلاف ورزی پر مقدمے کی تیاری
-
تجارت ایک دن پہلے
سونے کی فی تولہ قیمتوں میں مسلسل دوسرے روز بھی کمی
-
پاکستان ایک دن پہلے
نجی ٹی وی کے سابق نیوز اینکر عبداللہ ٹریفک حادثے مٰیں جاں بحق
-
دنیا 6 گھنٹے پہلے
متحدہ عرب امارات میں 12 ربیع الاوّل کو عام تعطیل کا اعلان
-
پاکستان 22 گھنٹے پہلے
نیب نے عمران خان اور بشریٰ بی بی کے خلاف نیا توشہ خانہ کیس واپس لے لیا
-
پاکستان 2 دن پہلے
پی ٹی آئی رہنما محمود الرشید کا بیٹا گرفتار، پولیس کی شرکاء کووارننگ
-
علاقائی ایک دن پہلے
خیبر پختونخوا کے مختلف علاقوں میں 4.5 شدت کا زلزلہ
-
پاکستان ایک دن پہلے
چیف جسٹس قاضی فائز عیسیٰ کا مدت ملازمت میں توسیع لینے سے صاف انکار