چین نے گوادر کے لوگوں کیلئے جدید ہسپتال قائم کیا ، وزیر منصوبہ بندی

منصوبہ بندی کے وفاقی وزیر احسن اقبال نے کہا ہے کہ چین نے گوادر سمیت پاکستان کے مختلف شعبوں کی ترقی میں نمایاں شراکت کا مظاہرہ کیاہے۔

چینی کی خبررساں ایجنسی شنہوا سے گفتگو کرتے ہوئے انہوں نے کہاکہ گوادر بندرگاہ اپنے لوگوں کیلئے بے شمار مواقع کے ساتھ عالمی معیار کا ساحلی شہر بنے گا۔

گوادر کی ترقی کیلئے چین کی شراکت کوسراہتے ہوئے احسن اقبال نے کہاکہ چین نے گوادر کے لوگوں کیلئے جدید ہسپتال قائم کیا اور فنی تربیت کے ادارے کے قیام میں تعاون کیا ۔

انہوں نے کہاکہ چین نے مقامی لوگوں کے معیار زندگی میں بہتری لانے کیلئے بھی اقدامات شروع کئے ہیں جن میں سولر پینلز کی فراہمی بھی شامل ہے ۔

احسن اقبال نے کہاکہ چین نے گوادر کے نوجوانوں کو وظائف بھی دیئے جو چین کی یونیورسٹیوں میں زیر تعلیم ہیں۔