کھیل
ٹی 20 ورلڈ کپ: امریکی کپتان پاکستان اور بھارت کیخلاف اپنی جیت کیلئے پرُ عزم
جس طرح کینیڈا کے خلاف جیت کے عزم کے ساتھ کرکٹ کھیلے اسی طرح بھارت اور پاکستان کے خلاف بھی کھیلیں گے، مونا نک پٹیل
![ٹی 20 ورلڈ کپ: امریکی کپتان پاکستان اور بھارت کیخلاف اپنی جیت کیلئے پرُ عزم](/media/107540/conversions/Monank-Patel-1280x720.jpg)
امریکا کے کپتان ٹی 20 ورلڈ کپ 2024 کے افتتاحی میں میں کینیڈا کو ہرانے کے بعد اب پاکستان اور بھارت کو ہرانے کے لئے پرعزم ہو گئے۔
آئی سی سی ٹی 20ورلڈ کپ 2024 کا امریکا میں آغاز ہوگیا۔ ڈیلاس میں کھیلے گئے افتتاحی میچ میں میزبان امریکا نے کینیڈا کو چاروں خانے چت کر دیا اور با آسانی 7 وکٹوں سے شکست دے کر ٹورنامنٹ میں فاتحانہ آغاز کیا۔
کینیڈا سے جیتنے کے بعد اب امریکی کپتان کی نظریں پاکستان اور بھارت کو زیر کرنے پر ہیں اور وہ دونوں بڑی ٹیموں کے خلاف میچ کے لیے پر عزم ہیں۔
میچ کے بعد گفتگو کرتے ہوئے امریکا کرکٹ ٹیم کے کپتان مونانک پٹیل نے کہا جس طرح کینیڈا کے خلاف جیت کے عزم کے ساتھ کرکٹ کھیلے اسی طرح بھارت اور پاکستان کے خلاف بھی کھیلیں گے۔
یاد رہے کہ گروپ اے میں امریکا کے علاوہ پاکستان، بھارت، کینیڈا اور آئرلینڈ کی ٹیمیں شامل ہیں۔ امریکا اپنا دوسرا میچ ڈیلاس میں ہی 6 جون کو پاکستان کے خلاف کھیلے گا جب کہ بھارت کے خلاف وہ نیویارک میں 12 جون کو میدان میں اترے گا۔
کھیل
پی سی بی کی جانب سے انڈر 16 سکول ٹورنامنٹ کے سلسلے میں ٹرائل منعقد
وحید مراد، سجاد احمد، علی رضا اور ثناءاللہ سمیت تمام سکول کے سپورٹس انچارج بھی ٹرائل کے دوران موجود رہے
![پی سی بی کی جانب سے انڈر 16 سکول ٹورنامنٹ کے سلسلے میں ٹرائل منعقد](/media/117860/conversions/news-1720023715-4058-1280x720.jpg)
پاکستان کرکٹ بورڈ (پی سی بی)کی طرف سے ہونے والے انڈر 16 سکول ٹورنامنٹ کے سلسلے میں کمپری ہینسو بوائز ہائر سیکنڈری سکول حیدرآباد کے گراؤنڈ میں ٹرائل منعقد کیے گئے۔
ٹرائلز میں گورنمنٹ رضا میموریل، گورنمنٹ زیل پاک ہائر سیکنڈری سکول، گورنمنٹ کمپری ہینسو بوائز ہائر سیکنڈری سکول، گورنمنٹ ہائی سکول لطیف آباد نمبر سات اور گورنمنٹ جی او آر ماڈل سکول کے بچوں نے شرکت کی۔
ان ٹرائلز کو رضا میموریل ہائی سکول کے سابق سپورٹس انچارج عثمان اسحاق، کمپری ہینسو سکول کے کوچ عمران خان، کمپری ہینسو سکول کے سپورٹس انچارج محی الدین اور پی ای ٹی رمیز راجہ نے آرگنائزنگ کیا جبکہ وحید مراد، سجاد احمد، علی رضا اور ثناءاللہ سمیت تمام سکول کے سپورٹس انچارج بھی ٹرائل کے دوران موجود رہے۔
پاکستان
سینیٹ اجلاس : سینیٹر فیصل واوڈا کی پی ٹی آئی پر کھلی تنقید
سینیٹ اجلاس کے دوران خطاب کرتے ہوئے سینیٹر فیصل واوڈا نے پی ٹی آئی پر تنقید کی جب کہ تقریر کے دوران اپوزیشن شور شرابا کرتی رہی
![سینیٹ اجلاس : سینیٹر فیصل واوڈا کی پی ٹی آئی پر کھلی تنقید](/media/117851/conversions/فیصل-واوڈا-1280x720.jpg)
اسلام آباد: سینیٹ اجلاس کے دوران فیصل واوڈا نے پی ٹی آئی پر تنقید کرتے ہوئے کہا کہ یہ لوگ پیر پکڑتے ہیں، معافی مانگتے ہیں اور منتیں کرتے ہیں۔
سینیٹ اجلاس کے دوران خطاب کرتے ہوئے سینیٹر فیصل واوڈا نے پی ٹی آئی پر تنقید کی جب کہ تقریر کے دوران اپوزیشن شور شرابا کرتی رہی۔
سینیٹر فیصل واوڈا نے کہا کہ یہ ہمیں کہتے ہیں بانی پی ٹی آئی کی عزت کرو، ہم نے اس پارٹی کو 15 سال پیسہ اور خون دیا۔ یہ لوگ گالیاں دے رہے ہیں، سارجنٹ کو بلائیں اور گرفتار کروائیں، گالیاں حذف کرنےسے کام نہیں چلے گا۔
انہوں نے کہا کہ آپ فوج سے بات کرنے کے لیے مر رہے ہیں جب کہ یہ لوگ پیر پکڑتے ہیں اور معافی مانگتے ہیں منتیں کرتے ہیں۔ علی امین گنڈاپور کہتے ہیں ہم جیل کو توڑیں گے، جیل توڑنے کی بات کرتے ہیں تو بانی کی ذمہ داری بھی گنڈاپور کی ہے۔
فیصل واوڈا کہتے ہیں کہ گرفتاریاں پارلیمنٹ سے ہوئیں تو کہتے ہیں مذمت کرتے ہیں، اگر پاکستان کو توڑنے کی بات نہ کرتے تو آپ کے ساتھ کھڑے ہوتے۔ پی ٹی آئی کے لوگوں کی ماں اور بہنوں کو اپنا سمجھتے ہیں، سندھی، پٹھان اور پنجابی ہونے کی ضرورت نہیں۔
ان کا کہنا تھا کہ ایک بٹن دبا کر ان کو منہ دکھانے کے قابل نہیں چھوڑوں گا، کیسا اتفاق تھا، بانی پی ٹی آئی، فیض حمید اور مراد سعید سب کو پتا تھا جب کہ ایک بے گناہ آدمی کو اپنی سیاست کے لیے مروا دیا گیا، جس باپ کی آپ بات کررہے ہیں اسی کے سر پر بیٹھ کر آپ آئے تھے۔
فیصل واوڈا نے بتایا کہ آپ فیض حمید کی گود میں بیٹھ کر آئے تھے، آپ ہماری ماؤں بہنوں کو گالیاں دیں تو کیا ہم برداشت کریں گے؟ جب کہ ملک میں جلاؤ گھیراؤ کا ماحول ہے۔
انہوں نے یہ بھی کہا کہ آرمی چیف نے اپنے ادارے میں احتساب شروع کرکے ایک ماحول بنایا، آرمی چیف نے ملک کو ترجیح دے کر اپنے ہی جنرل کا احتساب شروع کیا جب کہ پی ٹی آئی نیب ترامیم کے خلاف تھی پھرخود ہی فائدہ اٹھالیا۔
فیصل واوڈا نے مزید کہا کہ پی ٹی آئی پاکستان کو توڑنے کی کوشش نہ کرے، جیسے پاک فوج میں احتساب شروع ہوا ہمیں بھی کرنا چاہیے، میرا اختلاف ن لیگ کی سیاست سے ہے۔
پاکستان
ویتنام میں سمندری طوفان سے تباہی ، 127 افراد ہلاک
پیر کے روز ڈیش کیم فوٹیج میں دیکھا جا سکتا ہے کہ فو تھو صوبے میں فونگ چو پل ٹوٹنے کے بعد کئی گاڑیاں نیچے پانی میں ڈوب گئیں
![ویتنام میں سمندری طوفان سے تباہی ، 127 افراد ہلاک](/media/117839/conversions/cf9b36065331217491240921e221e6cf-1280x720.jpg)
ویتنام کے شمالی علاقے میں ہفتے کے روز آنے والے سمندری طوفان کے نتیجے میں کم از کم 127 افراد ہلاک اور 54 لاپتہ ہو گئے ہیں۔
رواں سال کے سب سے طاقتور طوفان کی وجہ سے شمالی صوبوں میں ہزاروں افراد اب بھی گھروں کی چھتوں پر پھنسے ہوئے دیکھے گئے جبکہ متعدد نے سوشل میڈیا پر مدد کی درخواستیں پوسٹ کیں۔
پیر کے روز ڈیش کیم فوٹیج میں دیکھا جا سکتا ہے کہ فو تھو صوبے میں فونگ چو پل ٹوٹنے کے بعد کئی گاڑیاں نیچے پانی میں ڈوب گئیں۔
ویتنام میں 30 سال میں آنے والے سب سے طاقتور طوفان ‘یاگی’ نے ملک کے شمال میں تباہی مچا دی ہے جس کے نتیجے میں 15 لاکھ افراد بجلی سے محروم ہو گئے ہیں۔
یہ طوفان اب کمزور ہو کر ٹراپیکل ڈپریشن میں تبدیل ہو چکا ہے، لیکن حکام نے متنبہ کیا ہے کہ یاگی مغرب کی طرف بڑھتے ہوئے مزید خلل پیدا کرے گا۔
تقریبا 150 کلومیٹر فی گھنٹہ (92 میل فی گھنٹہ) کی رفتار سے چلنے والے طوفان نے پلوں کو نقصان پہنچایا ہے، عمارتوں کی چھتیں ٹوٹ گئی ہیں، فیکٹریوں کو نقصان پہنچا ہے اور بڑے پیمانے پر سیلاب اور لینڈ سلائیڈنگ ہوئی ہے، جس سے 64 افراد اب بھی لاپتہ ہیں۔
حکام نے اب تک 18 شمالی صوبوں میں سیلاب اور لینڈ سلائیڈنگ کی وارننگ جاری کی ہے۔
وزارت زراعت کے حکام نے منگل کے روز بتایا کہ ہلاک اور لاپتہ افراد کے علاوہ سیلاب اور لینڈ سلائیڈنگ سے کم از کم 752 افراد زخمی بھی ہوئے ہیں۔
تھائی نگوئن اور ین بائی صوبوں کے کچھ حصوں میں منگل کی علی الصبح ایک منزلہ مکانات تقریبا مکمل طور پر ڈوب گئے اور رہائشی مدد کے لیے چھتوں پر انتظار کر رہے ہیں۔
ویتنام سے ٹکرانے سے قبل یاگی نے جنوبی چین اور فلپائن میں 24 افراد کو ہلاک کر دیا تھا۔
-
دنیا 16 گھنٹے پہلے
متحدہ عرب امارات میں 12 ربیع الاوّل کو عام تعطیل کا اعلان
-
تجارت 2 دن پہلے
پٹرولیم مصنوعات کی قیمتوں میں ایک بار پھر بڑی کمی متوقع
-
پاکستان 2 دن پہلے
نجی ٹی وی کے سابق نیوز اینکر عبداللہ ٹریفک حادثے مٰیں جاں بحق
-
علاقائی ایک دن پہلے
خیبر پختونخوا کے مختلف علاقوں میں 4.5 شدت کا زلزلہ
-
پاکستان 11 گھنٹے پہلے
سرکاری اراضی قبضہ کیس، اسپیشل جج ہمایوں دلاور کے وارنٹ گرفتاری جاری
-
پاکستان 2 دن پہلے
راستوں کی بندش کے باعث پی ٹی آئی جلسہ تاخیر کا شکار
-
پاکستان 8 گھنٹے پہلے
ویتنام میں سمندری طوفان سے تباہی ، 127 افراد ہلاک
-
علاقائی ایک دن پہلے
اسلام آباد میں ریڈ زون کو اچانک سیل کردیا گیا