پاکستان سپر لیگ کا گیارہویں ایڈیشن: افتتاحی تقریب اور میچ کی تفصیلات سامنے آ گئیں 

لاہور:پاکستان سپر لیگ (پی ایس ایل )کے سی ای اوسلمان نصیر نے ٹیم سیالکوٹ سٹالینز کی ملکیت کی تبدیلی کے موقع پر پریس کانفرنس میں بتایا کہ پی ایس ایل کا افتتاح 26مارچ کو ہے اور افتتاحی میچ میں لاہور قلندرز اور حیدرآباد کنگز مین کا مقابلہ ہو گا۔

سلمان نصیر کا کہنا تھا کہ میچز کا شیڈول چند دنوں میں جاری کر دیں گئے،اور مزید کہا کہ ہماری کوشش ہوگی کہ اس دفعہ پشاور اسٹیڈیم میں بھی میچز ہوں، کچھ چیزیں ٹھیک کرنے کی کوشش کر رہے ہیں۔

سلمان نصیر نے پریس کانفرنس میں اوزی گروپ کا ذکر کرتے ہوئے کہا کہ اوزی گروپ نے جنوری کے دوسرے ہفتے اپنے مالی معاملا ت کلیئر کر دیے تھے۔

سلمان نصیر نے ملتان سلطان کے نئے مالک کے بارے میں کہا کہ گوہر شاہ جیسےنوجوان  اور پُرجوش لوگوں کا پی ایس ایل میں شامل ہونا خوشی کی بات ہے،اور ہم ان کے جذبے کو سراتے ہیں۔

سلمان نصیر کا پی ایس ایل کے فائنل کے بارے میں کہنا تھا کہ پی ایس ایل کا فائنل میچ بیرون ملک اس سال ہو گا یا اگلے سال اس کا فیصلہ چند دنوں میں ہو جائے گا