عالمی منڈی میں خام تیل کی قیمتوں میں بڑی کمی

عالمی مارکیٹ میں تیل کی قیمتوں میں بڑی کمی کا رحجان دیکھا گیا ہے۔عالمی مارکیٹ میں امریکی خام تیل کی قیمت میں فی بیرل 0.74 ڈالر کمی کے بعد کمی کے 73.64 ہو گئی۔

گزشتہ روز بھی عالمی منڈی میں امریکی خام تیل کی قیمت میں 3.64فیصد کمی دیکھنے میں آئی،جس کے بعد فی بیرل آئل 74.18ڈالر میں فروخت ہو گئی ۔

برطانوی خام تیل کی قیمت میں 3.43فیصد کمی ریکارڈ کی گئی، برطانوی خام تیل کی فی بیرل قیمت 78.28ڈالرہو گئی ہے۔

عالمی میڈیا رپورٹ کے مطابق برطانوی آئل کی قیمت فروری کے بعد پہلی بار 80ڈالر سے نیچے آئی ہے، عالمی مارکیٹ میں تیل کی قیمتوں میں کمی سے پیٹرولیم مصنوعات کی قیمتوں میں کمی کا امکان ہے۔

دوسری جانب پاکستان میں آئل اینڈ گیس ریگولیٹری اتھارٹی نے یکم جون2024 سے ایل پی جی گیس کے 11.8 کلو گرام سلنڈر کی قیمت میں 45.62 روپے کمی کر دی ہے۔

یکم جون کو پیٹرولیم مصنوعات کی قیمتوں میں بھی کمی کی گئی ہے، پیٹرول کی فی لیٹر قیمت میں 4 روپے 74 پیسے جبکہ ہائی سپیڈ ڈیزل کی قیمت میں 3 روپے 86 کمی کی گئی ہے۔

کمی کے بعد پیٹرول فی لیٹر 268 روپے 36 پیسے جبکہ ہائی سپیڈ ڈیزل فی لیٹر 270 روپے 22 پیسے میں فروخت ہو رہا ہے،مٹی کے تیل کی قیمت میں ایک روپے 87 پیسے کی کمی ہوئی ہے جس کے بعد اِس کی فی لیٹر نئی قیمت 171 روپے 61 پیسے ہوگئی ہے۔