ٹی 20 ورلڈ کپ: یوگنڈا نے پاپوانیو گنی کو 3 وکٹوں سے ہرا دیا

گیانا: یوگنڈا کے کھلاڑی ریاضت علی شاہ نے رنز کے تعاقب میں شاندار اننگز کھیل کر ٹی 20ورلڈ کپ 2024 کے نویں میچ میں پاپوا نیو گنی کو 3 وکٹوں سے ہرا دیا۔

امریکی ریاست روڈ آئی لینڈ کے شہر پروویڈنس میں کھیلے جارہے میچ میں یوگنڈا نے ٹاس جیت کر فیلڈنگ کا فیصلہ کیا تھا جس کے جواب میں پاپوا نیو گنی نے 77 رنز بنائے۔

ہدف کے تعاقب میں یوگنڈا کی ٹیم نے 18.2اوورز میں 7وکٹوں کے نقصان پر میچ اپنے نام کرلیا۔

یوگنڈا کی ٹیم کی جانب سے ریاضت علی شاہ 33رنز کے ساتھ نمایاں بیٹر رہے۔

خیال رہے کہ میگا ایونٹ میں یوگنڈا کی یہ پہلے فتح ہے اس سے قبل یوگنڈا کو قافغانستان کے ہاتھوں 125رنز سے شکست اٹھانا پڑی تھی جبکہ پاپوا نیو گنی کو آج کے میچ سے قبل ویسٹ اینڈیز نے 5 وکٹوں سے ہرایا تھا۔

آج کا دوسرا میچ آسٹریلیا اور عمان کے درمیان کھیلا جارہا ہے جس میں عمان نے ٹاس جیت کر پہلے فیلڈنگ کا فیصلہ کیا جس کے جواب میں آسٹریلوی ٹیم 5وکٹوں کے نقصان پر 164رنز بنائے۔