ایران کی عسکری مشیر کی ہلاکت پر اسرائیل سے بدلہ لینے کی دھمکی

بین الاقوامی عرب خبر رساں ادارے کی رپورٹ کے مطابق ایران نے شام کے شمالی شہر حلب میں ایک فضائی حملے میں اپنے ایک عسکری مشیر کی ہلاکت پر اسرائیل سے بدلہ لینے کی دھمکی دی ہے۔

میڈیا رپورٹس کے مطابق ایرانی پاسداران انقلاب کے کمانڈر ان چیف میجر جنرل حسین سلامی نے کہا کہ اسرائیل کو ہمارے جواب انتظار کرنا چاہیے، اسرائیل نے شام میں ہمارے ایک عسکری مشیر سعید ابیار کو مارا ہے جس کابدلہ لیا جائےگا۔

یاد رہے کہ رواں ہفتے شام کے شمالی شہر حلب میں ایک فضائی حملے میں متعدد افراد ہلاک ہوگئے تھے۔ ہلاک ہونے والوں میں ایران نواز جنگجو بتائے گئے تھے۔

حسین سلامی نے مزید کہا کہ صہیونیوں کو علم ہونا چاہیے کہ انہیں بےگناہ لوگوں کا خون بہانے کی بھاری قیمت چکانا ہوگی اور اسے ہمارےجواب کا انتظار کرنا ہوگا۔

شام میں انسانی حقوق آزر ویٹری کی رپورٹ کے مطابق گزشتہ اتوار کی شام کو حلب میں ایک فضائی حملے کے نتیجے 17افراد ہلاک ہوگئے تھے جن میں حزب اللہ کے تین جنگجو اور تین عراقی اور نو شامی تھے۔