دنیا
امریکا کا یوکرین کے لئے مزیدفوجی امداد روانہ کرنے کا اعلان
جنگی سازوسامان میں ایئر ڈیفنس سسٹم کے میزائل، سٹنگر اینٹی ایئر کرافٹ میزائل سمیت بکتر بند گاڑیاں شامل ہیں
![امریکا کا یوکرین کے لئے مزیدفوجی امداد روانہ کرنے کا اعلان](/media/107951/conversions/68814202_605-696x391-1280x720.jpg)
امریکا نے یوکرین کے لئے مزید 225 ملین ڈالرکی فوجی امداد روانہ کرنے کا اعلان کر دیا۔
غیر ملکی خبر رساں ادارے کے مطابق نئے پیکج میں ہائی موبلٹی آرٹلری راکٹ سسٹم کے لیے جنگی سازوسامان کے ساتھ ساتھ ایئر ڈیفنس سسٹم کے میزائل، سٹنگر اینٹی ایئر کرافٹ میزائل، جیولن اور اے ٹی فور اینٹی آرمر سسٹم، 155 ایم ایم ہووٹزر، بکتر بند گاڑیاں شامل ہیں ۔
واضح رہے اپریل کے آخر میں، امریکی صدر جو بائیڈن نے یوکرین، اسرائیل اور تائیوان کو ہتھیاروں کی فراہمی دوبارہ شروع کرنے کے لیے امریکی کانگریس کے منظور کردہ بلوں کے ایک پیکج پر دستخط کئےتھے جس کی مالیت 95 ارب ڈالر تھی۔ اس میں یوکرین کے لیے 61 بلین ڈالر کی فوجی امداد شامل تھی۔
دنیا
کملا ہیرس کی عوامی مقبولیت میں اضافہ ، ڈونلڈ ٹرمپ کی مقبولیت میں کمی: اے بی سی، اپسوس سروے
چند دن قبل(صدر جو بائیڈن کی ان کی بطور صدارتی امیدوار توثیق کے بعد) ان کی عوامی پسندیدگی کی شرح 35 فیصد ریکارڈ کی گئی تھی
![کملا ہیرس کی عوامی مقبولیت میں اضافہ ، ڈونلڈ ٹرمپ کی مقبولیت میں کمی: اے بی سی، اپسوس سروے](/media/113121/conversions/Kamala-Harris-1280x720.jpg)
نیویارک (اے پی پی): امریکی اداروں اے بی سی اور اپسوس کے سروے پول کے مطابق ملک کی نائب صدر اور آئندہ انتخابات میں صدارتی امیدوار کملا دیوی ہیرس کی عوامی سطح پر پسندیدگی کی شرح بڑھ کر 43 فیصد ہوگئی ہے، چند دن قبل(صدر جو بائیڈن کی ان کی بطور صدارتی امیدوار توثیق کے بعد) ان کی عوامی پسندیدگی کی شرح 35 فیصد ریکارڈ کی گئی تھی۔گزشتہ روز جاری کیے گئے ایک سروے کے مطابق کملا ہیرس کی مقبولیت میں اضافہ ہورہا ہے بالخصوص جب سے صدر جو بائیڈن نے اپنی دستبرداری اور ہیرس کی نامزدگی کی توثیق کی اس کے بعد ان کی مقبولیت بڑھ رہی ہے۔
20 جولائی کو صدر جو بائیڈ ن کی طرف سے صدارتی انتخاب نہ لڑنے کے اعلان کے بعد سابق صدر باراک اوباما سمیت زیادہ تر بڑے ڈیموکریٹس نے کملا ہیریس کی حمایت کی ۔سروے کے مطابق 48 فیصد امریکیوں کملا ہیرس کے ڈیموکریٹک صدارتی امیدوار بننے جبکہ ،39 فیصد نے ڈونلڈ ٹرمپ کے ریپبلکن امیدوار بننے کی حمایت کی ۔88 فیصد ڈیموکریٹ اور 70 فیصد سیاہ فام امریکی کملا ہیرس کےصدارتی امیدوار بننے پر خوش ہوں گے ۔ حالیہ سروے کے مطابق ڈونلڈ ٹرمپ کی پسندیدگی 40 فیصد سے کم ہوکر 36 فیصد ہو گئی ہے۔
تجارت
پنجاب میں اشیائے خوردونوش مزید مہنگی
برائلر مرغی کا سرکاری ریٹ 589 روپے فی کلو مقرر ہے، زندہ برائلر مرغی کا تھوک ریٹ 392 روپے مقرر کیا گیا ہے
![پنجاب میں اشیائے خوردونوش مزید مہنگی](/media/113078/conversions/l_312330_031139_updates-1280x720.jpg)
لاہور میں آج بھی برائلرمرغی کی قیمت میں اضافہ دیکھا گیا ہے،برائلرمرغی کےگوشت کی قیمت میں 5روپے فی کلو اضافہ ہوگیا۔
تفصیلات کےمطابق برائلر مرغی کا سرکاری ریٹ 589 روپے فی کلو مقرر ہے، زندہ برائلر مرغی کا تھوک ریٹ 392 روپے مقرر کیا گیا ہے، زندہ برائلرمرغی کاپرچون ریٹ 406روپے فی کلو ہے۔
دوسری جانب ملتان سمیت پورے پنجاب میں حکومتی دعووں اور وعدوں کے باوجود مہنگائی کا جن قابو نہ آسکا ،سستی خریدی ہوئی گندم مہنگی فروخت ہونےلگی، پنجاب اور ضلعی انتظامیہ کے نوٹس کے باجود آٹے کی قیمت کم نہ ہوسکی۔
اول کوالٹی آٹا 4000 روپے من میں فروخت ہونے لگا ، دال ماش کی 550 روپے فی کلو میں فروخت جاری، دال مونگ 350 روپے کلو، سفید چنے کی قیمت 400 روپے کلوہوگئی ،باسمتی چاول اول کوالٹی کی 350 روپے کلو میں فروخت جاری ہے۔
جرم
1155 روڈ ٹریفک حادثات میں 10افراد جاں بحق
اکثریت (76%) میں موٹر بائیکس شامل ہیں، اس لیے ٹریفک قوانین کا موثر نفاذ اور لین ڈسپلن سڑکوں پر ٹریفک حادثات کی بڑھتی ہوئی تعداد کو کم کرنے کے لیے ضروری ہے
![1155 روڈ ٹریفک حادثات میں 10افراد جاں بحق](/media/113081/conversions/Ambulance-1000x600-1280x720.jpg)
لاہور: ایمرجنسی سروسز ڈیپارٹمنٹ (ESD) نے گزشتہ 24 گھنٹوں کے دوران پنجاب کے تمام 37 اضلاع میں 1155 روڈ ٹریفک کریشز (RTCs) کا جواب دیا۔ ان آر ٹی سیز میں 10 لوگوں کی موت ہوئی، جب کہ 1234 زخمی ہوئے۔
ان میں سے 523 شدید زخمی افراد کو مختلف ہسپتالوں میں منتقل کیا گیا جبکہ معمولی زخمی ہونے والے 711 افراد کو ریسکیو میڈیکل ٹیموں نے جائے حادثہ پر ہی طبی امداد دی جس سے ہسپتالوں کا بوجھ کم ہوا۔
اکثریت (76%) میں موٹر بائیکس شامل ہیں، اس لیے ٹریفک قوانین کا موثر نفاذ اور لین ڈسپلن سڑکوں پر ٹریفک حادثات کی بڑھتی ہوئی تعداد کو کم کرنے کے لیے ضروری ہے۔
مزید برآں، تجزیے سے پتہ چلتا ہے کہ سڑکوں پر ٹریفک حادثات کا شکار ہونے والوں میں 708 ڈرائیور، 51 کم عمر ڈرائیور، 120 پیدل چلنے والے اور 416 مسافر شامل تھے۔ اعداد و شمار سے پتہ چلتا ہے کہ لاہور میں 250 آر ٹی سیز رپورٹ ہوئے جن میں 289 افراد متاثر ہوئے جس میں صوبائی دارالحکومت فہرست میں پہلے نمبر پر رہا، ملتان 78 متاثرین کے ساتھ 79 اور تیسرے نمبر پر فیصل آباد 77 آر ٹی سیز اور 86 متاثرین کے ساتھ تیسرے نمبر پر رہا۔
تفصیلات میں مزید بتایا گیا ہے کہ ٹریفک حادثات میں 1244 متاثرین متاثر ہوئے جن میں 1037 مرد اور 207 خواتین شامل ہیں جبکہ متاثرین کی عمر کے گروپ کے مطابق 240 کی عمریں 18 سال سے کم تھیں، 642 کی عمریں 18 سے 40 سال کے درمیان تھیں اور باقی 362 متاثرین تھے۔ 40 سال سے زیادہ عمر کی اطلاع دی گئی۔ اعداد و شمار کے مطابق 1026 موٹر سائیکلیں، 69 آٹو رکشے، 112 موٹر کاریں، 21 وینز، 10 مسافر بسیں، 33 ٹرک اور 96 دیگر اقسام کی آٹو گاڑیاں اور سست رفتار گاڑیاں مذکورہ سڑک ٹریفک حادثات میں ملوث تھیں۔
-
علاقائی 2 دن پہلے
کراچی میں کل 24 گھنٹے گیس بند رہے گی، شیڈول جاری
-
پاکستان 2 دن پہلے
فواد چوہدری کا جماعت اسلامی اور جے یو آئی کامیاب سیاست کیلئے مشورہ
-
تجارت 2 دن پہلے
پٹرولیم مصنوعات میں مسلسل اضافے کے بعد کمی کا امکان
-
پاکستان 16 گھنٹے پہلے
مولانا ہدایت اللہ کا پیپلزپارٹی کی سربراہی میں حکومت سے علیحدگی کا اعلان
-
جرم 18 گھنٹے پہلے
ضلع کرم قبائل کے درمیان 5 روز سے جھڑپیں جاری ، ہلاکتوں کی تعداد30ہوگئی
-
پاکستان 17 گھنٹے پہلے
وفاقی وزارت تعلیم نے موسم گرما کی تعطیلات میں اضافہ کردیا
-
پاکستان ایک دن پہلے
جماعت اسلامی نے حکومت کی مذاکرات کی پیشکش قبول کر لی، کمیٹی تشکیل
-
پاکستان ایک دن پہلے
روس نے پاکستان سٹیل ملز کی بحالی کیلئے مدد کی پیشکش کر دی