ویکسینیشن نہ کروانے والے افرادکے موبائل سم کارڈ بلاک کرنے کی تجویزپر غور

ذرائع کے مطابق ویکسینیشن نہ کروانے والے افراد کا شاپنگ مالز،ریسٹورنٹس،پارکس اور سرکاری دفاترمیں داخلہ بندکرنے کی تجویزپرغور کیا جا رہا ہے، ویکسینیشن نہ کروانے والے افرادکے موبائل سم کارڈ بلاک کرنے کی تجویزپربھی غور  کیا جا رہا ہے۔

صوبائی وزیر صحت ڈاکٹریاسمین راشدنے اظہارخیال کرتے ہوئے کہا کہ  لوگوں کی صحت اور زندگیوں کا تحفظ حکومت کی اولین ترجیح ہے۔ کوروناوباء سے چھٹکارہ ویکسینیشن کے ذریعے ہی ممکن ہے۔ کوروناپرقابوپانے کیلئے ہرممکن اقدامات کئے جائیں گے۔ این سی اوسی کی گائیڈلانزکے مطابق صوبہ بھرمیں ویکیسنیشن کے ہدف کو ہرصورت پوراکیاجائے گا۔آبادی کے لحاظ سے ہر ضلع کیلئے روزانہ ویکسینیشن کا ہدف مقررکردیاگیاہے۔

چیف سیکرٹری پنجاب  نے کہا کہ  ویکسینیشن کے اہداف کے حوالہ سے کوتاہی رداشت نہیں کی جائے گی۔ ویکسینیشن سے متعلق اضلاع کی کارکردگی کا باقاعدگی سے جائزہ لیاجائے گا۔ اہداف پورانہ کرنے والے اضلاع کے افسران سے بازپرس ہوگی۔ چیف سیکرٹری نے کم ویکسینیشن والے اضلاع میں ویکسین لگانے کے عمل کو تیز کرنے کی ہدایت بھی کی۔