عمر ایوب کو پولیس نے انسداد دہشتگردی عدالت میں جانے سے روک دیا گیا

قومی اسمبلی میں قائد حزب اختلاف عمر ایوب اور بابر اعوان کو پولیس نے پنجاب کے ضلع سرگودھا کی انسداد دہشتگردی عدالت میں جانے سے روک دیا گیا۔

پولیس کی بھاری نفری انسداد دہشت گردی کی عدالت کے اطراف موجود ہے۔

پولیس کا کہنا تھا کہ سکیورٹی ایشوز ہیں، جس کی وجہ سے عدالت نہیں جانے دے رہے۔

عدالت کے باہر میڈیا سے بات چیت کرتے ہوئے عمر ایوب خان نے کہا کہ ہمیں عدالت میں جانے سے روکنا غیر آئینی ہے، پولیس عدالت پر فائرنگ کرنے والوں کو پکڑ نہیں سکتی ہمیں روکا جا رہا ہے۔ ملک میں آئین نام کی کوئی چیز نہیں، ہر صورت عدالت جائیں گے۔

انہوں نے کہا کہ حکمرانوں کی رخصتی کا وقت نزدیک آگیا ہے، گیس اور بجلی کی قیمتوں میں خوفناک اضافہ کر دیا گیا ہے، پی ٹی آئی کے کارکنوں کے گھروں پر چھاپوں کا سلسلہ اب بھی جاری ہے۔

پی ٹی آئی رہنما کا کہنا تھا کہ انقلاب نزدیک ہے قوم بانی پی ٹی آئی کی کال کا انتظار کرے بجٹ میں خوفناک مہنگائی کا طوفان انے والا ہے، گندم اسکینڈل میں شہباز شریف اور محسن نقوی براہ راست ملوث ہیں۔

تحریک انصاف کے رہنما بابر اعوان نے کہا کہ حکمران اج اتنا ظلم کریں جتنا کل برداشت کر سکیں، پاکستان میں چند لوگ ملک کی سلامتی سے کھیل رہے ہیں، ہمیں بھارت سے اتنا خطرہ نہیں جتنا ان لوگوں سے۔

بابر اعوان نے مزید کہا کہ تحریک انصاف کے رہنماؤں کو عدالتوں میں پیش تک نہیں ہونے دیا جا رہا، چیف جسٹس اف پاکستان کو اس صورتحال کا نوٹس لینا چاہیئے۔