سنگا پور ائیر لائن حادثے کا شکار

سنگاپور ایئرلائنز نے دوران پرواز حادثے میں زخمی ہونے والے مسافروں کو 10 ہزار ڈالر معاوضہ دینے کا اعلان کر دیا ہے۔
مسافروں کا کہنا ہے کہ ایئر لائن کا عملہ اور مسافر دوران پرواز شدید جھٹکے لگنے کی وجہ سے کیبن کی چھت سے ٹکرا گئے جس کی وجہ سے مختلف مقامات پر اس میں دراڑیں پڑ گئیں۔

سنگاپور ایئرلائنز نے کہا ہے کہ اس نے گزشتہ ماہ 11 جون کو دوران پرواز کے شدید جھٹکوں سے معمولی زخمی ہونے والے مسافروں کو 10 ہزار ڈالر معاوضہ دینے کی پیش کش کی ہے۔

واضح رہے کہ سنگا پور ایئرلائن کی لندن سے آنے والی پرواز ایس کیو 321 میں سوار 73 سالہ برطانوی شہری دل کا دورہ پڑنے سے جاں بحق ہوگیا جبکہ کئی دیگر مسافر اور عملے کو میانمار کے اوپر پرواز کے دوران اچانک شدید جھٹکوں کے دوران دماغ اور ریڑھ کی ہڈی میں چوٹیں آئیں۔

پائلٹ نے سنگاپور جانے والے بوئنگ 777-300 ای آر کو 211 مسافروں اور عملے کے 18 افراد کو لے کر بنکاک کی طرف موڑ دیا جہاں زخمیوں کو اسپتال لے جایا گیا۔