لاہور میں پی ٹی آئی کے اسمبلی اراکین کتنے متحرک ، رپورٹ سامنے آ گئی

لاہور میں پی ٹی آئی کے اسمبلی اراکین  کتنے متحرک ،  رپورٹ سامنے آ گئی ، پی ٹی آئی لاہور تنظیم نے سیاسی رہنماؤں کی پارٹی سرگرمیوں میں شرکت کی رپورٹ تیار کر لی۔

لاہور سے صوبائی اسمبلی کے 30 ٹکٹ ہولڈرز میں سے صرف 13 نے پارٹی ہدایات پر عمل کیا۔  بانی چئیرمین عمران خان کی ہدایات پر عمل نہ کرنے والے لاہور کے رہنماؤں کی رپورٹ اعلیٰ قیادت کو بھجوا دی گئی۔

تحریک انصاف کے اراکین اسمبلی اور ٹکٹ ہولڈرز پارٹی سرگرمیوں سے جان چھڑاتے ہوئے پارٹی ہدایات کے باوجود ریلیاں نکالنے میں ناکام رہے اور نہ ہی میٹنگز میں شریک ہوئے۔ رپورٹ میں اراکین اور ٹکٹ ہولڈرز کو کیے گئے واٹس ایپ پیغامات اور کال ریکارڈ کو حصہ بنایا گیا ہے۔

لاہور کے 30 صوبائی اسمبلی کے ٹکٹ ہولڈرز اور مرکزی رہنماوں میں سے صرف 13 نے پارٹی ہدایات کو فالو کیا جبکہ قومی اسمبلی کے 13 حلقوں میں سے صرف ایک ٹکٹ ہولڈر متحرک رہا جبکہ لطیف کھوسہ، سلمان اکرم راجہ ، شہزاد فاروق، ظہیر عباس کھوکھراور محمد خان مدنی نے پارٹی کی زوم میٹنگز میں شرکت کی اور نہ کوئی ریلی نکالی۔

اعظم خان نیازی، یوسف میو، مہر شرافت علی اور ندیم بارا بھی پارٹی دلچسپیوں سے دور رہے جبکہ علی امتیاز وڑائچ، شیخ امتیاز، یاسر گیلانی بھی ریلیاں نکالنے میں ناکام رہے۔

واضح رہے کہ بانی چیئرمین پی ٹی آئی عمران خاان کی جانب سے تمام اراکین اور ٹکٹ ہولڈرز کو ریلیاں نکالنے کی ہدایات کی گئی تھیں۔