معروف پاکستانی اداکار فہد مصطفیٰ  کا اپنے نئے ڈرامے کے نشر ہونے کی تاریخ کا اعلان

معروف پاکستانی اداکار   فہد مصطفی نے اپنے نئے ڈرامے کے نشر ہونے کی تاریخ سوشل میڈیا پر شیئر کر دی۔ 
پاکستانی اداکار و ہدایت کار فہد مصطفیٰ ایک لمبے عرصے کے بعد ٹی وی سکرین پر واپس آرہے ہیں۔ ان کا نیا ڈرامہ  ’’کبھی میں، کبھی تم‘‘ ایک رومانوی داستان پر مبنی ہے۔
 بگ بینگ انٹرٹینمنٹ کے بینر تلے بننے والے اس ڈرامے کو معروف ناول نگار فرحت اشتیاق نے لکھا ہے، جبکہ ہدایت کاری کے فرائض بدر محمود نے انجام دیے ہیں۔
  ڈرامے میں فہد مصطفیٰ بطور مصطفیٰ اور پاکستانی اداکارہ  ہانیہ عامر بطور شرجینہ ایکٹنگ کے جوہر دکھاتے نظر آئیں گے۔ 
حالیہ جاری پوسٹ میں فہد مصطفیٰ نے بتایا کہ ڈرامہ 2 جولائی سے شروع ہو رہا ہے، جس کی قسطوں کو ایک ہفتے میں دو روز، پیر اور سوموار کو نشر کیا جائے گا۔