دنیا
ایران میں نئے صدر کے انتخاب کیلئے پولنگ جاری
صدارتی انتخابات میں دو امیدوار مقابلے کی دوڑ سے دستبردار ،چار امیدواروں کے درمیان مقابلہ ہوگا
![ایران میں نئے صدر کے انتخاب کیلئے پولنگ جاری](/media/110021/conversions/Iran-Elections-1280x720.jpg)
ایران میں صدر کے چناؤ کیلئے قبل ازوقت انتخابات آج ہورہے ہیں، قبل از وقت ایرانی صدارتی انتخابات میں دو امیدوار مقابلے کی دوڑ سے دستبردار ہوچکے ہیں جبکہ چار امیدواروں کے درمیان مقابلہ ہوگا۔
ایرانی صدر کے انتخاب کے لیے ایران کی شوریٰ نگہبان نے صرف 6 امیدواروں کے ناموں کی منظوری دی تھی ،ایرانی میڈیا رپورٹ کے مطابق صدارت کیلئے سعید جلیلی، محمد باقر، مسعود پزیشکیان اور مصطفیٰ پورمحمدی کے درمیان مقابلہ ہوگا۔
ایران میں صدارتی انتخابات کیلئے ووٹنگ کا آغاز صبح 8 بجےہوگا، 6 کروڑ 10 لاکھ سے زائد افراد ووٹنگ کے اہل قرار دیے گئے ہیں۔
ایرانی میڈیا کے مطابق صدارتی انتخابات کے حتمی نتائج کا اعلان دو روز میں کیا جائے گا کوئی بھی امیدوار 50 فیصد سے زیادہ ووٹ حاصل نہ کرسکا تو انتخابات کا دوسرا مرحلہ ہوگا۔
یاد رہے کہ ایران میں صدارتی انتخابات 2025 میں ہونا تھے تاہم گزشتہ ماہ صدر ابراہیم رئیسی کی ہیلی کاپٹر حادثے میں انتقال کے بعد اس عہدے کے لیے آج ایرانی عوام ووٹ ڈالیں گے۔
ایران کے سپریم لیڈر آیت اللہ علی خامنہ ای نے عوام پر زور دیا ہے کہ وہ الیکشن میں بڑھ چڑھ کر حصہ لیں۔
تجارت
پاکستان میں معاشی استحکام آیا ہے ، وزیر خزانہ
محمد اورنگزیب نے کہا کہ پرچون فروشوں کو ٹیکس کے دائرے میں لایا جائے گا اور اس مقصد کیلئے اب تک بیالیس ہزار پرچون فروشوں کا اندراج کیا گیا ہے
![پاکستان میں معاشی استحکام آیا ہے ، وزیر خزانہ](/media/110273/conversions/85183_64983837-1280x720.jpg)
وفاقی وزیر خزانہ محمد اورنگزیب نے کہا ہے کہ پاکستان میں معاشی استحکام سے بین الاقوامی اداروں کا اعتماد بحال ہوا ہے۔
انہوں نے آج اسلام آباد میں ایک پریس کانفرنس سے خطاب کرتے ہوئے کہا کہ حکومت کی دانشمندانہ معاشی پالیسیوں کی بدولت ملکی معیشت میں نمایاں بہتری آئی ہے۔
انہوں نے کہا کہ دانشمندانہ معاشی پالیسیوں کے ذریعے اقتصادی استحکام بھی حاصل ہوگا ، انہوں نے بدعنوانی کے خاتمے اورشفافیت کو یقینی بنانے کیلئے ایف بی آر کو ڈیجیٹلائز کرنے کے حکومتی عزم کا بھی اعادہ کیا۔
انہوں نے ایف بی آر کے نظام کو مالی بدعنوانی سے پاک کرنے کے لئے انسانی مداخلت کی روک تھام کی ضرورت پر زور دیا۔
محمد اورنگزیب نے کہا کہ پرچون فروشوں کو ٹیکس کے دائرے میں لایا جائے گا اور اس مقصد کیلئے اب تک بیالیس ہزار پرچون فروشوں کا اندراج کیا گیا ہے۔
انہوں نے معیشت کے مختلف شعبوں میں اصلاحات کے ذریعے آئندہ تین سال کے دوران ٹیکس کی شرح مجموعی قومی پیداوار کے تیرہ فیصد تک لے جانے کے عزم کا اظہار کیا۔
ٹیکنالوجی
نظام شمسی کے ساتویں سیارے پر خلائی جہاز بھیجنا میرا سب سے بڑا خواب ہے ، ایلو ن مسک
ایلون مسک کے مطابق ان کا بھیجا گیا سیٹلائٹ نظام شمسی کے ستاروں اور سیاروں سے گزرتے ہوئے اس دہائی کے آخر تک مارس پر پہنچے گا
![نظام شمسی کے ساتویں سیارے پر خلائی جہاز بھیجنا میرا سب سے بڑا خواب ہے ، ایلو ن مسک](/media/110275/conversions/_116392518_elon1-1280x720.jpg)
ایلون مسک نے نظام شمسی کے ساتویں سیارے پر خلائی جہاز بھیجنے کو اپنا سب سے بڑا خواب قرار دیا ہے۔
سماجی رابطے کی ویب سائٹ ٹویٹر(ایکس) کے مالک ایلون مسک نے ٹویٹ کرتے ہوئے بتایا کہ ان کا سب سے بڑا خواب یہ ہے کہ وہ یورینس پر اپنا خلائی جہاز بھیجیں۔
Our greatest dream is to send a spaceship to Uranus
— Elon Musk (@elonmusk) June 30, 2024
ناسا کے مطابق یورینس ہمارے نظام شمسی کا ساتواں سیارہ ہے جو سورج کے گرد اپنے مدار میں گردش کر رہا ہے۔
واضح رہے کہ ایلون مسک اسپیس ایکس نامی اپنی سپیس کمپنی سے مارس پر خلائی جہاز بھیجنے کی تین کوششیں کر چکے ہیں۔ پہلی دو کوششوں کی ناکامی کے بعد بالآخر مارچ 2024 میں ان کا اب تک کا کامیاب تجربہ جاری ہے۔ ایلون مسک کے مطابق ان کا بھیجا گیا سیٹلائٹ نظام شمسی کے ستاروں اور سیاروں سے گزرتے ہوئے اس دہائی کے آخر تک مارس پر پہنچے گا۔
پاکستان
اسلام آباد سےڈی آئی خان کےدرمیان فضائی روٹ عارضی طور پر بند
جیکب آباد ایئرپورٹ پر سول طیاروِں کے لیے پابندی جون 2025 تک ہوگی
![اسلام آباد سےڈی آئی خان کےدرمیان فضائی روٹ عارضی طور پر بند](/media/110258/conversions/2659531-dgkhanairport-1719731807-441-640x480-1280x720.jpg)
اسلام آباد سےڈی آئی خان کےدرمیان فضائی روٹ عارضی طور پر بند کرنےکافیصلہ کیا گیا ہے۔
تفصیلات کےمطابق جیکب آباد ایئرپورٹ پر سول طیاروِں کے لیے پابندی جون 2025 تک ہوگی،روٹ نمبرجے183کی بندش یکم جولائی تای کم دسمبر2024 تک کےلئےہوگی۔
دونوں ایئرپورٹس پربندش کے حوالے سے ایرٹریفک کنٹرول کوآگاہ کردیاگیا، دونوں ایئر پورٹس کی بندش کے حوالے سے نوٹیم جاری کر دیے گئے۔
-
پاکستان 2 دن پہلے
قومی اسمبلی میں امریکی ایوان نمائندگان کی قرار داد کے خلاف قرار داد منظور
-
دنیا 2 دن پہلے
ساؤتھ امریکی ملک پیرو میں 7.2 شدت کا زلزلہ
-
دنیا ایک دن پہلے
ایرانی کے صدارتی انتخابات ، کسی امیدوار کو اکثریت نہ حاصل ہو سکی، ووٹنگ دوبارہ ہو گی
-
تجارت 2 دن پہلے
یکم جولائی سے پٹرولیم مصنوعات کی قیمتوں میں اضافے کا امکان
-
علاقائی 15 گھنٹے پہلے
پنجاب حکومت نے احسن اقدام ، سیاحوں کیلئے ٹورسٹ ٹرین پراجیکٹ کی منظوری
-
تجارت 2 گھنٹے پہلے
آل پاکستان انجمن تاجران کا بجلی کے بلوں میں اضافے کے خلاف احتجاج کا اعلان
-
پاکستان ایک دن پہلے
تحریک انصاف کے ایک اور بڑے پارٹی رہنما نے استعفیٰ دیدیا
-
دنیا 2 دن پہلے
مالدیپ کے صدر پر کالا جادو کرنے کے الزام میں ایک خاتون سمیت دو وزراء گرفتار