مالدیپ کے صدر پر کالا جادو کرنے کے الزام میں ایک خاتون سمیت دو وزراء گرفتار

مالدیپ کے صدر محمد موعیزو پر کالا جادو کرنے کے الزام میں ایک خاتون اور دو وزراء کو گرفتار کرلیا گیا۔

مالدیپ کے مقامی میڈیا کے مطابق مالدیپ کے دو وزراء کو پولیس نے گرفتار کرلیا ہے جن پر الزام ہے کہ انہوں نے صدر محمد موعیزو پر کالا جادو کیا ہے۔ اِن میں ماحولیات کی وزیر شامناز سلیم اور ان کے سابق شوہر آدم رمیز شامل ہیں۔

میڈیا رپورٹس میں بتایا گیا ہے کہ پولیس نے اس حوالے سے مزید اطلاعات شیئر نہیں کیں کہ انہوں نے کالا جادو کیسے کیا۔ ان کے ساتھ ایک تیسرے شخص کو بھی گرفتار کیا گیا ہے جنہیں 7 روزہ ریمانڈ پر جیل بھیج دیا گیا ہے۔

رپورٹس میں یہ بھی کہا گیا ہے کہ وزیر ماحولیات شامناز سلیم اور انکے سابق شوہر رمیز کو ان کی پوسٹ سے معطل کردیا گیا ہے۔ شامناز اور رمیز دونوں مالے سٹی کونسل میں بھی صدر موعیزو کے ساتھ کام کر تے رہے ہیں۔

اس حوالے سے فی الحال مالدیپ کی حکومت نے اور نہ ہی صدارتی دفتر سے کوئی بیان جاری کیا گیا ہے۔