باجوڑ : خیبرپختونخوا میں بم دھماکے کے نتیجے میں سابق گورنر شوکت اللہ کے بھائی ہدایت اللہ سمیت 4 افراد جاں بحق ہوگئے۔

شہید ہدایت اللہ سینیٹر بھی رہ چکے ہیں ، ضلع باجوڑ میں سابق گورنر شوکت اللہ کی گاڑی پر بم حملہ کیا گیا۔

واقعہ ڈمہ ڈولہ میں پیش آیا جہاں ان کی گاڑی کو ریموٹ کنٹرول بم سے نشانہ بنایا گیا ، دھماکے میں شوکت اللہ کے بھائی ہدایت اللہ ، ملک عرفان آف نیاگ بانڈہ اور نظر دین آف ناوگئی بھی شہید ہوئے۔

دھماکے کی آواز دور دور تک سنی گئی، واقعے کے بعد پولیس کی بھاری نفری موقع پر پہنچ گئی۔

پولیس نے جائے وقوعہ سے شواہد اکٹھے کرنے شروع کردیے ہیں۔

گورنر خیبرپختونخوا فیصل کریم کنڈی نے پاکستان اور تاجکستان کے درمیان سیاحت، تجارت اور ثقافتی تبادلوں کے مواقع کو اجاگر کیا۔

دوشنبے میں سومونیر کے چیف ایگزیکٹو عبد لکوسم سے گفتگو کرتے ہوئے انہوں نے پاکستان اور تاجکستان کے درمیان پروازوں میں اضافہ کرنے اور کارگو سروس شروع کرنے کی خواہش کا اظہار کیا۔

اقتصادی فوائد پر روشنی ڈالتے ہوئے فیصل کریم کنڈی نے دونوں ملکوں کی تاجر برادری اور شہریوں کی فلاح کے لئے کارگو سروس شروع کرنے کی اہمیت پر زور دیا۔

حکومت پاکستان کا غزہ کے طالب علموں کو پاکستانی میڈیکل اداروں میں داخلہ دینے کا فیصلہ 

حکومت پاکستان نے اسرائیل و فلسطین کی جاری جنگ میں انسانی ہمدردی کی بنیادوں پرغزہ کے میڈیکل کے طالب علموں کو پاکستان میں اپنی تعلیم جاری کرنے کی سہولت دینے کا فیصلہ کیا ہے۔ 
پاکستان میڈیکل اینڈ ڈینٹل کمیشن کے مطابق پاکستان کے میڈیکل اور ڈینٹل اداروں میں اب غزہ کے طالب علم داخلہ لے کر اپنی تعلیم جاری رکھ سکتے ہیں۔ 
 پاکستان ہمیشہ سے فلسطین کے حق میں کھڑا رہا ہے۔ فلسطین کی تائید میں پاکستان نے اسرائیل کو ایک ریاست کے طور پر تسلیم کرنے سے ہمیشہ انکار کیا ہے۔ 
اکتوبر 2023 سے جاری اسرائیلی جارحیت کی بدولت  فلسطین کے علاقے غزہ میں ایک بڑے پیمانے پر جانی اور مالی نقصان ہوا ہے۔ اقوام متحدہ کے مطابق اب تک 30،000 سے زائد فلسطینی اسرائیلی جارحیت کا شکار ہو چکے ہیں ۔ 
اسرائیل نے انسانی حقوق کی خلاف ورزی کرتے ہوئے غزہ میں نہ صرف رہائشی علاقوں، بلکہ اسپتالوں اور تعلیمی اداروں کو بھی نشانہ بنایا اورمسمار کر دیا، جس کی بدولت فلسطینی طالب علم اپنی تعلیم جاری رکھنے سے قاصر ہیں۔ 
ذرائع کے مطابق پاکستان نے 100 فلسطینی میڈیکل کے طالب علموں کو پاکستان میڈیکل اینڈ ڈینٹل کمیشن کے تحت چلنے والے میڈیکل اور دڈینٹل اداروں میں داخلہ دینے کا فیصلہ کیا ہے۔