مزدوروں کو 1200اعزازی رہائش گاہیں فراہم کی جائیں گیں ، وزیر اعلی ٰ پنجاب

وزیر اعلیٰ پنجاب مریم نواز شریف نے صفائی کے عملے کے حقوق اور حفاظتی اقدامات پر عملدرآمد کو یقینی بنانے کے حکومتی عزم کا اعادہ کیا ہے۔

انہوں نے لاہور میں محنت کشوں کے محکمے کی کارکردگی کا جائزہ اجلاس کی صدارت کرتے ہوئے انہوں نے صوبے میں محنت کشوں کی فلاح و بہبود کیلئے اہم فیصلوں کااعلان کیا ، انہوں نے محنت کشوں کیلئے ٹیکسلا اور سندر لیبر کالونی میں 1200چوبیس اعزازی رہائش گاہیں مختص کرنے کی بھی ہدایت کی۔

اس کے علاوہ انہوں نے انتیس ہزار مزدوروں کی اموات اور شادی کی رکی ہوئی چھ ارب کی گرانٹس کے مسئلے کے حل کی بھی ہدایت کی۔

اس کے ساتھ خواتین مزدوروں کیلئے شیخوپورہ کے گارمنٹس سٹی میں دو ہاسٹل کی تعمیر کی بھی منظوری دی گئی جس میں 704 خواتین ورکرز کو مفت رہائش فراہم کی جائے گی ۔