آذربائیجان کے صدر پاکستان پہنچ گئے، شاندار استقبال

اسلام آباد: وسطی ایشیائی ملک آذر بائیجان کے صدر الہام الیوف دو روزہ دورہ کے لیے پاکستان پہنچ گئے۔

وزیراعظم شہباز شریف نے خود ایئر پورٹ جا کر آذر بائیجان کے وزیراعظم کا استقبال کیا۔ وزیراعظم پاکستان نے ائیر پورٹ پر نہایت پرتپاک انداز میں مہمان صدر کو گلے لگایا۔

صدر آذربائیجان کے لیے ریڈ کارپٹ بچھایا گیا۔ بچوں نے روایتی لباس پہن کر مہمان صدر کو پھولوں کا گلدستہ پیش کیا۔

وزیراعظم شہباز شریف نے خود چھتری پکڑ کر صدر آذربائیجان کو گاڑی تک پہنچایا۔

صدر الہام الیوف اپنے دورہ پاکستان کے دوران صدر پاکستان اور وزیراعظم پاکستان سے ملاقاتیں کریں گے۔

ذرائع کے مطابق آذربائیجان کے صدر کے حالیہ دورہ پاکستان کے دوران دونوں ملکوں کے درمیان 15 اہم معاہدوں سمیت مختلف یاداشتوں پر دستخط کیے جائیں گے۔

دونوں ممالک کے درمیان ائیر سروس، ٹرانزٹ ٹریڈ، سمیت کئی تجارتی معاہدے، خارجی امور اور ابلاغ کے مختلف معاہدے کیے جانے کا امکان ہے۔  

پاکستان اور آذر بائیجان کے درمیان کلچرل ایکسچینج پروگرام کا بھی معاہدہ کیا جائے گا۔