کینیڈا میں پاکستانی خاندان پر حملے کے خلاف سخت ایکشن لینا ہوگا ، وزیر اعظم

وزیر اعظم عمران خان نے غیر ملکی ٹی وی کو انٹرویو میں کہا کہ میں جانتا ہوں  مغربی  کلچر  کیا ہے، میں  نے اپنی آدھی زندگی برطانیہ میں گزاری ہے۔نائن الیون  کے بعد دہشت گردی  کو اسلام سے جوڑا گیا۔

وزیر اعظم نے کہا کہ پاکستان اپنی آنے والی نسلوں کی بہتری   کیلئےسوچ رہا ہے، کینیڈا  میں پاکستانی  نژاد خاندان کےقتل  پرعوام حیران ہیں ، کینیڈا میں  پاکستانی خاندان پر حملے کے خلاف سخت  ایکشن لینا ہوگا،  کینیڈین  وزیراعظم کو معاملے کی سنگینی کا احساس ہے، مغربی ممالک کے بعض  رہنماؤں کومعاملے کی سنگینی کا احساس نہیں ہے۔ دیگر عالمی  رہنماؤں کی طرف سے معاملے پر مؤثر ردعمل سامنے نہیں آیا۔

وزیر اعظم کا کہنا تھا کہ  کچھ ویب سائٹس   نفرت انگیز  مواد پھیلا کر انسانیت کو تقسیم   کرنا چاہتی ہیں، عالمی برادری آن  لائن  نفرت انگیزمواد ،انتہاپسندی روکنے کے اقدامات کرے۔