ملک بھر میں یوم عاشور آج مذہبی عقیدت و احترام کے ساتھ منایا جا رہا ہے

ملک بھر میں نواسہ رسولؐ حضرت امام حسینؓ اور ان کے جانثاروں کے لیے خاص مذہبی احترام اور عقیدت کے ساتھ منایا کیا جا رہا ہے۔

اس موقع پر مختلف شہروں میں ماتمی جلوسوں اور مجالس کا اہتمام کیا گیا ہے، جن میں حضرت امام حسینؓ اور شہدائے کربلا کی عظیم قربانیوں کو خراج عقیدت پیش کیا جا رہا ہے۔

کوئٹہ میں یوم عاشور کا مرکزی جلوس چوک شہداء علمدار روڈ سے برآمد ہوگا اور روایتی راستوں پر گزرتے ہوئے اختتام پذیر ہوگا۔ اس جلوس میں 32 ماتمی دستے شامل ہوں گے اور اس کی حفاظت کے لیے سکیورٹی کے سخت انتظامات کیے گئے ہیں۔

چنیوٹ میں نو سنہری تعزیوں پر مشتمل سیج جلوس کی تیاریاں مکمل کر لی گئی ہیں، جو رات ایک بجے سے شروع ہو جاتے ہیں اور مغرب سے پہلے چوک ترکھاناں میں پہنچ جاتے ہیں۔

دوسری طرف حکومت نے لاہور سمیت پنجاب بھر میں موبائل فون سروس مکمل بند نہ کرنے کا فیصلہ کیا ہے، صرف جلوس اور مجالس والے علاقوں میں موبائل فون سروس معطل کی جائے گی۔

کوئٹہ میں آج صبح چھ بجے سے رات بارہ بجے تک موبائل سروس بند رہے گی۔ گزشتہ روز بھی کچھ شہروں میں موبائل فون اور انٹرنیٹ سروس کو جزوی طور پر معطل کیا گیا تھا۔